ஆதிக்கம் செலுத்தியும் ஆதங்கம்

பாரிஸ்: சாம்­பி­யன்ஸ் லீக் காற்­பந்­துப் போட்­டி­யில் ரியால் மட்­ரிட் வெற்றி பெற்று கிண்­ணம் ஏந்­தி­யது.

சிங்கப்பூர் நேரப்படி நேற்று அதிகாலை நடைபெற்ற இறுதி ஆட்­டத்­தில் லிவர்­பூலை அது 1-0 எனும் கோல் கணக்­கில் தோற்­

க­டித்­தது.

ஆனால் ஆட்­டம் தொடங்­கி­ய­தி­லி­ருந்து லிவர்­பூல் குழு­தான் ஆதிக்­கம் செலுத்­தி­யது.

தாக்­கு­தல் மேல் தாக்­கு­தல் நடத்­திய லிவர்­பூல் பல கோல் வாய்ப்­பு­களை உரு­வாக்­கி­யது.

சில வாய்ப்­பு­களை அது நூலி­ழை­யில் தவ­றவிட்­டது.

ஆனால் லிவர்­பூல் ஒரு கோல்­கூட போட முடி­யா­மல் தோல்­வி­யின் பிடி­யில் சிக்­கிக்­கொண்­ட­தற்கு

முக்­கிய கார­ண­மாக ரியா­லின் கோல்­காப்­பா­ளர் கோட்வா விளங்கினார்.

இடை­வே­ளை­யின்போது கோல் ஏது­மின்றி இரு குழுக்­களும் சம­நி­லை­யில் இருந்­தன.

பிற்­பாதி ஆட்­டத்­தி­லும் தாக்­கு­த­லில் லிவர்­பூல் தொடர்ந்து தீவி­ரம் காட்­டி­யது.

ஆனால் கடு­க­ள­வும் விட்­டுக்­கொ­டுக்­கா­மல் விளை­யா­டிய கோட்வா, எதி­ர­ணி­யின் கோல் முயற்­சி­கள் அனைத்­தை­யும்

தவி­டுப்­பொ­டி­யாக்­கி­னார்.

இந்­நி­லை­யில், ஆட்­டத்­தின் போக்­குக்கு மாறாக 59வது நிமி­டத்­தில் ரியால் மட்­ரிட் கோல்

போட்­டது.

கோல் போட தனக்­குக் கிடைத்த சொற்ப வாய்ப்­பு­களில் ஒன்­றைப் பயன்­ப­டுத்தி அது பந்தை வலைக்­குள் அனுப்­பி­யது.

தாக்­கு­த­லில் அதிக கவ­னம் செலுத்­திய லிவர்­பூல் சற்று அசந்த நேரம் பார்த்து ரியா­லின் வினி­சி­யஸ் ஜூனி­யர் கோல் போட்­டார்.

அதை அடுத்து, ஆட்­டத்­தைச் சமன் செய்ய லிவர்­பூல் மேற்­கொண்ட முயற்­சி­கள் அனைத்­தும் தோல்­வி­யில் முடிய அக்­கு­ழு­வின் ஆட்­டக்­கா­ரர்­கள் விரக்தி

அடைந்­த­னர்.

குறிப்­பாக, லிவர்­பூ­லின் நட்­சத்­திர வீரர் முகம்­மது சாலா­வுக்கு ஏமாற்­றமே மிஞ்­சி­யது. அவர் மிகச் சிறப்­பாக விளை­யாடி கோல்

வேட்­டை­யில் தீவி­ர­மாக இறங்­கி­ய­போ­தி­லும் அதிர்ஷ்ட தேவதை அவ­ருக்­குக் கைகொ­டுக்­க­வில்லை. அது­மட்­டு­மல்­லாது, என்ன செய்­தா­லும் தடைக்­கல்­லாக, மிகப் பிடி­வா­த­மாக நின்­று­கொண்­டி­ருந்த கோட்­வாவை அவ­ரால் முறி­ய­டிக்­க­வும் முடி­ய­வில்லை.

இறுதி வரை முன்­னி­லை­யைத் தக்­க­வைத்­துக்­கொண்ட ரியால் கிண்­ணத்­தைத் தனக்­குச் சொந்­த­மாக்­கிக்­கொண்­டது.

ரியா­லின் இந்த வெற்­றி­யின் மூலம், நான்கு முறை சாம்­பி­யன்ஸ் லீக் கிண்­ண­தக்தை வென்ற முதல் பயிற்­று­விப்­பா­ளர் எனும் பெருமை அக்­கு­ழு­வின் பயிற்­று­விப்­பா­ளர் கார்லோ அன்­சிலோட்­டி­யைச் சேரும்.

ஏசி மிலான், ரியால் மட்­ரிட் ஆகிய குழுக்­க­ளின் பயிற்­று­விப்­பா­ளர் என்­கிற முறை­யில் சாம்­பி­யன்ஸ் லீக் கிண்­ணத்தை அவர் தலா இரண்டு முறை வென்­றுள்­ளார்.

கடந்த ஏழு ஆண்­டு­களில் ரியால் மட்­ரிட் நான்கு முறை சாம்­பி­யன்ஸ் லீக் கிண்­ணம் வென்­றி­ருப்­பது குறிப்­பி­டத்­தக்­கது.

இறுதி ஆட்­டம் முடிந்த பிறகு செய்­தி­யா­ளர்­க­ளி­டம் பேசிய லிவர்­பூல் நிர்­வாகி யர்­கன் கிளோப்­பின் வார்த்­தை­களில் அக்­கு­ழு­வின் மன­வே­தனை எதி­ரொ­லித்­தது.

"மிகச் சிறப்­பாக விளை­யாடி னோம். ஆனால் திட்­ட­மிட்­டப்­படி எங்­க­ளால் விளை­யாட முடி­யா­மல் போனது. எப்­படி இருந்­தா­லும் நாங்­கள் நினைத்­தது போல செயல்­பட்­டி­ருக்க முடி­யாது.

"இதற்கு ரியா­லின் வியூ­கம் கார­ணம். தற்­காப்­பில் அதிக கவ­னம் செலுத்­தும் வகை­யில் ரியால் வியூ­கம் வகுத்­தி­ருந்­தது. தற்­காப்­புப் பணி­யில் அது பல ஆட்­டக்­கா­ரர்­களை ஈடுபடுத்தியது.

"அத்­த­கைய சூழ­லில் தாக்­கு­தல்­கள் நடத்­து­வது எளி­தல்ல. அதை­யும் மீறி நாங்­கள் கோல் வேட்­டை­யில் இறங்­கி­னோம். ஆனால் இலக்கை அடையத் தவறிவிட்டோம்," என்று கிளோப் தெரி­வித்­தார்.

இந்த இறுதி ஆட்­டம் முத­லில் ரஷ்­யா­வில் செயிண்ட் பீட்­டர்ஸ்­பர்க் நக­ரில் நடை­பெற இருந்­தது. ஆனால் உக்­ரேன் மீது ரஷ்யா படை­யெ­டுத்­துள்ள கார­ணத்­தி­னால் அதற்கு எதிர்ப்பு தெரி­விக்­கும் வகை­யில் ஆட்­டம் பாரி­சில் நடை­பெற்­றது.

பாதுகாப்பு நடவடிக்கை:தாமதமாகத் தொடங்கிய ஆட்டம்

எதிர்­பா­ராத வித­மாக பாது­காப்பு தொடர்­பான விவ­க­ராங்­கள் எழுந்­த­தால் இறுதி ஆட்­டம் தாம­த­மா­கத் தொடங்­கி­ய­தாக தெரி­விக்­கப்­பட்­டது.

நிர்­ண­யிக்­கப்­பட்ட நேரத்­தில் தொடங்­கா­மல் ஏறத்­தாழ 36 நிமி­டங்­கள் கழித்து ஆட்­டம் தொடங்­கி­யது.

விளை­யாட்­ட­ரங்­கத்­துக்­குள் ரசி­கர்­கள் சிலர் முண்­டி­ய­டித்­துக்­கொண்டு வர முயன்­ற­தால் இந்­நிலை ஏற்­பட்­ட­தாக பிரெஞ்சு காவல்­துறை கூறி­யது.