தடுமாற்றத்தைத் தவிர்க்க முயலும் லிவர்பூல்

லிவர்­பூல்: புதிய இங்­கி­லிஷ் பிரி­மியர் லிக் காற்­பந்­துப் பரு­வத்­தில் தொடர் தடு­மாற்­றத்­தைத் தவிர்க்­கும் முயற்­சி­யில் லிவர்­பூல் இறங்­கி­யுள்­ளது.

எதிர்­பார்ப்­பு­க­ளுக்கு மாறாக லிவர்­பூ­லுக்­கும் ஃபுல்ஹே­முக்­கும் இடையே நடை­பெற்­ற இப்பருவத்தின் முதல் ஆட்டம் 2-2 எனும் கோல் கணக்­கில் சம­நி­லை­யில் முடிந்­தது. அந்த ஆட்­டத்­தில் லிவர்­பூ­லின் இரண்­டா­வது கோலைப் போட்டு தனது அணி­யைத் தோல்­வி­யின் விளிம்­பி­லி­ருந்து காப்­பாற்­றி­னார் நட்சத்திரம் மோ சாலா.

சிங்­கப்­பூர் நேரப்­படி நாளை பின்­னி­ரவு தனது இரண்டாவது ஆட்டத்தில் லிவர்பூல் கிரிஸ்­டல் பேலஸ் அணியுடன் மோதவுள்ளது. முதல் ஆட்­டத்­தில் விளையாடியதைப் போல் கவ­னக்­கு­றை­வு­டன் கள­மிறங்­கி­னால் இதி­லும் லிவர்­பூல் கோட்டை­விட வாய்ப்­புள்­ளது.

பேலஸ் பொது­வாக சுமா­ராக ஆடும் அணி­யாக இருந்­தா­லும் அவ்­வப்­போது பலரை ஆச்­ச­ரி­யத்­தில் ஆழ்த்­தக்­கூ­டிய ஆற்­றல் அதனிடம் உள்ளது. சென்ற பரு­வம் கிண்­ணத்தை வென்ற மான்­செஸ்­டர் சிட்டி, லீக்­கில் பேல­சு­டன் மோதிய இரண்டு ஆட்­டங்­க­ளிலும் வெல்­லத் தவ­றி­யது. அவற்­றில் ஓர் ஆட்­டத்தில் பேலஸ் வெல்­ல­வும் செய்­தது.

சென்ற வாரம் லிவர்­பூல் விளை­யா­டிய விதம் அதன் நிர்­வாகி யர்­கன் கிளாப்­பிற்கு மிகுந்த அதி­ருப்தி அளித்­தது.

"ஆட்­டங்­களை வெல்­வது எங்­க­ளுக்கு முக்­கி­யம்­தான். வென்று மூன்று புள்­ளி­க­ளைப் பெறு­வதை நான் விரும்­பு­கி­றேன். ஆனால் உண்­மை­யைச் சொன்­னால் சிறப்­பாக விளை­யா­டு­வ­தையே நான் கூடு­த­லாக விரும்­பு­கி­றேன். அதை நாம் செய்­ய­வில்லை," என்று கிளாப் ஃபுல்ஹ­முக்கு எதி­ரான ஆட்­டத்­தைப் பற்­றிக் கூறி­யி­ருந்­தார்.

பல ஆண்­டு­க­ளாக லீக்­கில் எதிர்­பார்ப்­பு­க­ளைப் பூர்த்­தி­செய்­யா­தி­ருந்த லிவர்­பூல் கிளாப்­பின் தலை­மை­யில் புத்­து­யிர் பெற்று ஐரோப்­பா­வின் ஆகச் சிறந்த அணி­களில் ஒன்­றாக வளர்ந்­துள்­ளது. மீண்­டும் பழைய நிலை திரும்­பி­வி­டுமா என்ற அச்­சம் தலை­தூக்­கா­மல் இருக்க லிவர்­பூல் பேலசை வெல்­வது முக்­கி­யம்.

இவ்­விரு அணி­களும் மோதும்­போது பல வேளை­களில் நிறைய கோல்­கள் விழுந்­தி­ருக்­கின்­றன, எதிர்­பா­ராத திருப்­பங்­களும் நிகழ்ந்துள்ளன.