வெளுத்துக்கட்டிய நியூசிலாந்து; தடுமாறி வீழ்ந்தது ஆஸ்திரேலியா

சிட்னி: டி20 உல­கக் கிண்ண கிரிக்­கெட் போட்­டி­யின் 'சூப்­பர்-12' சுற்று நேற்று தொடங்­கி­யது.

முதல் ஆட்­டத்­தில் போட்­டியை ஏற்று நடத்­தும் குழு­வும் நடப்பு வெற்­றி­யா­ள­ருமான ஆஸ்­தி­ரே­லி­யா­, நியூ­சி­லாந்­துடன் மோதியது.

சொந்த மண்­ணில் விளை­யா­டும் ஆஸ்­தி­ரே­லியா தனது முதல் ஆட்­டத்­தில் தடம் பதித்து தனது கிண்­ணப் பய­ணத்தை வெற்­றி­யு­டன் தொடங்­கும் என்று பெரி­தும் எதிர்­பார்க்­கப்­பட்­டது. ஆனால் நடந்­ததோ வேறு.

பூவா தலை­யா­வில் வென்ற ஆஸ்­தி­ரே­லிய அணி முத­லில்

பந்­து­வீச முடிவு செய்­தது.

அதன்­படி, முத­லில் பந்­த­டித்த நியூ­சி­லாந்து அணி நிர்­ண­யிக்­கப்­பட்ட 20 ஓவர்­களில் 3 விக்­கெட்­டுக்கு 200 ஓட்­டங்­கள் குவித்­தது.

ஆஸ்­தி­ரே­லி­யப் பந்­து­வீச்­சா­ளர்­கள் வீசிய பந்தை அவர்­கள் பறக்­க­விட்­ட­னர்.

கான்வே 92 ஓட்­டங்­க­ளு­ட­னும் நீஷம் 26 ஓட்­டங்­க­ளு­ட­னும் ஆட்­டம் இழக்­கா­மல் களத்­தில் இருந்­த­னர்.

ஆஸ்­தி­ரே­லியா சார்­பில் ஹேசல்­வுட் 2 விக்­கெட்­டு­க­ளைக் கைப்­பற்­றி­னார்.

இதை­ய­டுத்து 201 ஓட்­டங்­கள் எடுத்­தால் வெற்றி என்ற இலக்­கு­டன் ஆஸ்­தி­ரே­லியா கள­மி­றங்­கி­யது.

நியூ­சி­லாந்து பந்­து­வீச்­சா­ளர்­கள் புயல் வேகத்துடனும் துல்லியமாகவும் பந்துவீச, ஆஸ்திரேலியப் பந்தடிப்பாளர்கள் திக்குமுக்காடினர்.

இதனால் ஆஸ்திரேலியாவின் விக்கெட்டுகள் மளமளவென சாய்ந்து அதன் பந்தடிப்பாளர்கள் ஆட்டம் இழந்தனர்.

இறு­தி­யில், ஆஸ்­தி­ரே­லிய அணி 17.1 ஓவ­ர்களில் 111 ஓட்டங்க­ளுக்கு அனைத்து விக்கெட்டுகளையும் இழந்து தோல்வியைத் தழுவியது.

மேக்ஸ்­வெல் அதி­க­பட்­ச­மாக 28 ஓட்டங்­கள் எடுத்­தார். இதன்­மூ­லம் நியூ­சி­லாந்து 89 ஓட்டங்கள்

வித்­தி­யா­சத்­தில் அபார வெற்றி பெற்­றது.

நியூ­சி­லாந்து சார்­பில் டிம் சவுத்தி, சான்ட்­னர் தலா 3 விக்­கெட்­டுகளும் டிரென்ட் போல்ட் 2 விக்­கெட்­டுகளும் வீழ்த்­தி­னர்.

இந்தியாவும் பாகிஸ்தானும் சிங்கப்பூர் நேரப்படி இன்று மாலை 4 மணிக்கு மோதுகின்றன.