இலங்கையை எளிதில் வென்றது நியூசிலாந்து

சிட்னி: ஆஸ்­தி­ரே­லி­யா­வில் நடை­பெற்று வரும் 20 ஓவர் உல­கக் கிண்­ண கிரிக்கெட் தொடரின் நேற்­றைய ஆட்­டத்­தில் இலங்­கையை 65 ஓட்­டங்­கள் வித்­தி­யா­சத்­தில் வென்­றது நியூ­சி­லாந்து.

பூவா தலையாவில் வென்ற நியூ­சி­லாந்து அணி முதலில் பந்­த­டிக்க முடிவு செய்­தது. முதல் ஓவ­ரி­லேயே ஃபின் ஆலனை ஓர் ஓட்­டத்­தில் ஆட்­ட­மி­ழக்­கச் செய்­தார் இலங்­கை­யின் தீக்­‌ஷனா.

பிறகு வந்த கான்வே, வில்­லி­யம்­சன் ஆகிய இரு­வ­ரும் ஒற்றை இலக்க ஓட்­டங்­க­ளோடு வெளி­யே­றி­னர்.

நான்காவது ஓவ­ரில் மூன்று விக்­கெட்­டு­களை இழந்து தடு­மாறிய நியூ­சி­லாந்து அணியை டேரல் மிட்­செல்­லும் கிளென் ஃபிலிப்­சும் மீட்­ட­னர்.

ஃபிலிப்சை ஆட்­ட­மி­ழக்­கச் செய்­யும் வாய்ப்பை இலங்­கை­யின் நிசங்கா தவ­ற­விட்­டு­விட்­டார். இதை­ய­டுத்து, அதி­ரடி காட்­டிய ஃபிலிப்ஸ் 104 ஓட்­டங்­கள் விளா­சி­னார்.

இறு­தி­யாக, 20 ஓவர்­கள் முடி­வில் 7 விக்­கெட் இழப்­புக்கு 167 ஓட்­டங்­கள் எடுத்­தது நியூ­சி­லாந்து.

இதை­ய­டுத்து, 168 ஓட்­டங்­கள் எடுத்­தால் வெற்றி என்ற இலக்­கு­டன் கள­மி­றங்­கிய இலங்கை அணி தொடக்­கம் முதலே தடு­மா­றி­யது. அந்த அணி 6.1 ஓவர்­களில் 24 ஓட்­டங்­க­ளுக்கு 5 விக்­கெட்­டு­களை இழந்து தவித்­தது.

அதன்பிறகு இலங்கை அணி­யால் மீண்டு வரவே முடி­ய­வில்லை. 19.2 ஓவர்­களில் 102 ஓட்­டங்­க­ளுக்கு அனைத்து விக்­கெட்­டு­க­ளை­யும் இழந்­தது.

இன்று இந்­தியா-தென்­னாப்­பி­ரிக்கா மோதல்

இன்றிரவு 7 மணிக்கு நடை­பெ­ற­உள்ள ஆட்­டத்­தில் தென்­னப்­பி­ரிக்­கா­வும் இந்­தி­யா­வும் மோத­வுள்­ளன.

முந்­தயப் போட்­டி­களில் பாகிஸ்­தான், நெதர்­லாந்து அணி­களை இந்­தியா வீழ்த்­தி­யது. ஆனால், இந்த ஆட்­டங்­க­ளி­லும் இந்­தி­யா­வின் கே.எல்.ராகுல் சொற்ப ஓட்­டங்­க­ளுக்கு ஆட்­ட­மி­ழந்­தார்.

எனவே, இன்றைய ஆட்டத்தில், ராகுலுக்குப் பதிலாக ரி‌ஷப் பன்ட் களமிறக்கப்பட வேண்டும் என்று ரசிகர்கள் கூறி வருகின்றனர்.

இந்­நி­லை­யில், "இரண்டு ஆட்­டங்­களை வைத்து ஆட்­டத்­தி­றனை மதிப்­பிட முடி­யாது. எனவே, ராகு­லுக்­குப் பதி­லாக வேறு யாரை­யும் கள­மி­றக்க விரும்­ப­வில்லை," என்று இந்­திய அணி­யின் பந்­த­டிப்புப் பயிற்­று­விப்­பா­ளர் விக்­ரம் ரத்­தோர் கூறி­யுள்­ளார்.