கத்தார் பயிற்றுவிப்பாளர்: பதற்றம் காரணமாக தோல்வியின் பிடியில் சிக்கிக்கொண்டோம்

தோஹா: கத்­தா­ரில் நடை­பெ­றும் உல­கக் கிண்ண காற்­பந்­துப் போட்டி நேற்று முன்­தி­னம் இரவு தொடங்­கி­யது.

முதல் ஆட்­டத்­தில் போட்­டியை ஏற்று நடத்­தும் கத்­தா­ரும் தென்­ன­மெ­ரிக்­கக் குழு­வான எக்­வ­டோ­ரும் மோதின.

இதில் எக்­வ­டோர் 2-0 எனும் கோல் கணக்­கில் வெற்றி பெற்­றது.

ஆட்­டத்­தின் 3வது நிமி­டத்­தில் எக்­வ­டோ­ரின் அணித் தலை­வ­ரும் நட்­சத்­தி­ரத் தாக்­கு­தல் ஆட்­டக்­கா­ர­ரு­மான எனர் வெலன்­சியா பந்தை வலைக்­குள் அனுப்­பி­னார்.

ஆனால் ஆஃப்சைட் கார­ண­மாக அந்த கோல் நிரா­க­ரிக்­கப்­பட்­டது.

எனினும் வெலன்­சியா கோல் போடு­வ­தைக் கத்­தா­ரால் தடுக்க முடி­யா­மல் போனது.

16வது நிமி­டத்­தில் கிடைத்த பெனால்டி வாய்ப்பை வெலன்­சியா கோலாக்­கி­னார்.

ஆட்­டத்­தின் 31வது நிமி­டத்­தில் கத்­தா­ரின் பெனால்டி எல்­லைக்­குள் பந்து அனுப்­பப்­பட்­டது.

பந்­தைத் தலை­யால் முட்டி வலைக்­குள் சேர்த்­தார் வெலேன்­சியா.

உல­கக் கிண்­ணப் பய­ணத்தை வெற்­றி­யு­டன் தொடங்­கி­யது மகிழ்ச்சி அளிப்­ப­தாக எக்­வ­டோர் பயிற்­று­விப்­பா­ளர் குஸ்­தாவோ அல்­ஃபாரோ தெரி­வித்­தார்.

ஆனால் முதல் சுற்­றைக் கடந்து காலி­று­திக்கு முந்­திய சுற்­றுக்­குத் தகுதி பெற எக்­வ­டோர் இதை­விட சிறப்­பாக விளை­யாட வேண்­டும் என்­றார் அவர்.

"முதல் ஆட்­டத்­தில் நாங்­கள் வெற்­றி­யைப் பதிவு செய்­து­விட்­டோம். இது­தான் மிக­வும் முக்­கி­யம். ஆட்­டத்­தைக் கைப்­பற்ற செய்ய வேண்­டிய அனைத்­தை­யும் எங்கள் ஆட்­டக்­கா­ரர்­கள் மிகச் சிறப்­பாக செய்­த­னர்.

"இடை­வே­ளை­யின்­போது ஆட்­டம் திருப்தி அளிக்­கும் வகை­யில் இருக்­கி­றதா என்று எனது ஆட்­டக்­கா­ரர்­க­ளி­டம் கேட்­டேன்.

"எங்­க­ளால் இதை­விட சிறப்­பாக விளை­யாட முடி­யும் என்று அவர்­கள் பதி­ல­ளித்­த­னர்," என்­றார் அல்­ஃபாரோ.

வரும் வெள்­ளிக்­கி­ழ­மை­யன்று வலி­மை­வாய்ந்த நெதர்­லாந்தை எக்­வ­டோர் சந்­திக்­கிறது.

இதற்­கி­டையே, முதல் ஆட்­டத்­தில் தங்­கள் குழு வெற்றி பெறும் என்று நம்­பிக்­கை­யு­டன் விளை­யாட்­ட­ரங்­கத்­தில் திரண்ட கத்­தார் ரசி­கர்­க­ளுக்கு ஏமாற்­றம் மட்­டுமே மிஞ்­சி­யது.

ஆட்­டம் முடி­வ­தற்கு முன்பே ஆயி­ரக்­க­ணக்­கான கத்­தார் ரசி­கர்­கள் அங்­கி­ருந்து கிளம்­பிச் சென்­ற­னர்.

இருப்­பி­னும், ரசி­கர்­க­ளின் பேரா­த­ரவு தமது குழு­வுக்­குக் கிடைத்­த­தாக கத்­தா­ரின் பயிற்­று­விப்­பா­ளர் ஃபிலிக்ஸ் சஞ்­செஸ் கூறி­னார்.

இதற்கு முன்பு உல­கக் கிண்ண காற்­பந்­துப் போட்­டியை ஏற்று நடத்­தும் நாடு அதன் முதல் ஆட்­டத்­தில் தோற்­ற­தில்லை.

முதல் ஆட்­டத்­தில் எக்­வ­டோ­ரி­டம் தோல்­வி­யைத் தழு­வி­ய­தன் மூலம் முதல் ஆட்­டத்­தில் தோல்வி அடைந்த முதல் உப­ச­ரணை நாடு என்ற பதி­வில் கத்­தார் இடம்­பி­டித்­துள்­ளது.

ஆட்­டத்­தில் கத்­தார் ஆட்­டக்­கா­ரர்­கள் அனுப்­பிய பந்து ஒரு­

மு­றை­கூட இலக்கை எட்­ட­வில்லை என்­பது குறிப்­பி­டத்­தக்­கது.

பதற்­றம் கார­ண­மாக கத்­தார் ஆட்­டக்­கா­ரர்­க­ளால் தங்­கள் முழுத் திற­னை­யும் வெளிப்­ப­டுத்த முடி­ய­வில்லை என்று சஞ்­செஸ் தெரி­வித்­தார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!