மாணவர் முரசு
இ-பேப்பர்
தோஹா: கடந்த சில ஆண்டுகளாக இதுவரை இல்லாத அளவில் பெல்ஜிய அணியில் நட்சத்திரங்கள் இடம்பெற்றுள்ளனர். அதன் நட்சத்திரங்கள் பலருக்கு வயதாகிவருவதால் முதன்முறையாக உலகக் கிண்ணத்தை வெல்லும் வாய்ப்பு பெல்ஜியத்திடமிருந்து நழுவிக்கொண்டே போகிறது.
அதனால் கிண்ணத்தை வெல்ல பெல்ஜியத்துக்கு இதுவே கடைசி வாய்ப்பு என்று பல தரப்பினர் கருதுகின்றனர். அதுவும் காயமுற்ற தாக்குதல் ஆட்டக்காரர் ரோமெயு லுக்காக்கு இல்லாமல் பெல்ஜியம் வாகை சூடும் முயற்சியில் இறங்கவேண்டும்.
'எஃப்' பிரிவில் அதன் முதல் ஆட்டத்தில் இன்று கனடாவைச் சந்திக்கிறது பெல்ஜியம். 1986ஆம் ஆண்டுக்குப் பிறகு முதன்முறையாக உலகக் கிண்ணப் போட்டிக்குத் தகுதிபெற்றுள்ளது கனடா. ஆட்டத்தில் பெல்ஜியம் வெல்லும் என்று பரவலாக எதிர்பார்க்கப்படுகிறது.
இன்றைய மற்றோர் 'எஃப்' பிரிவு ஆட்டத்தில் மொரோக்கோவும் குரோவேஷியாவும் மோதுகின்றன.
இந்தப் போட்டியிலும் அசத்தி ரசிகர்களைத் தன்வசப்படுத்தும் இலக்குடன் உள்ளது குரோவேஷியா. சென்ற உலகக் கிண்ணப் போட்டியில் எதிர்பார்ப்புகளுக்கு மாறாக குரேவேஷியா இறுதியாட்டம் வரை முன்னேறியது. அதில் பிரான்சிடம் 4-2 எனும் கோல் கணக்கில் தோல்வியடைந்தாலும் தனது விடாமுயற்சியால் காற்பந்து ரசிகர்களின் மனத்தில் நீங்கா இடம்பிடித்தது.