மாறுபட்ட எதிர்பார்ப்புகளோடு வலம் வரும் ஜப்பான்

அல் ரயான்: இந்த உல­கக் கிண்­ணக் காற்­பந்­துப் போட்டி தொடங்­கு­வ­தற்கு முன்பே 'இ' பிரி­வு­தான் ஆகச் சவா­லா­ன­தா­கக் கரு­தப்­பட்­டது. ஸ்பெ­யின், ஜெர்­மனி இரண்­டும் இப்­பி­ரி­வில் இடம்­பெற்­றுள்­ளது அதற்­குக் கார­ணம்.

இந்­தப் பிரி­வி­லி­ருந்து ஜப்­பான் இரண்­டாம் சுற்­றுக்கு முன்­னே­று­வது கடி­னம் என்­றும் கணிக்­கப்­பட்­டி­ருந்­தது. ஆனால் அந்த நிலை இப்­போது மாறி­விட்­டது.

முதல் ஆட்­டத்­தில் 2-1 எனும் கோல் கணக்­கில் ஜெர்­ம­னியை வென்று தனது ரசி­கர்­களை ஆனந்த மழை­யில் நனை­யச் செய்­தது ஜப்­பான். அதைத் தொடர்ந்து ஜப்­பான் இரண்­டாம் சுற்­றுக்கு முன்­னே­றும் வாய்ப்பு அதி­க­ரித்­தி­ருப்­ப­தா­கக் கரு­தப்­ப­டு­கிறது.

முற்­பா­தி­யில் ஜெர்­ம­னியை எதிர்­கொள்­ள­மு­டி­யா­மல் திண­றிய ஜப்­பான் விட்­டுக்­கொ­டுக்­கா­மல் ஆடி வெற்­றி­ய­டைந்­தது. 1-0 எனும் கோல் கணக்­கில் பின்­ன­ணி­யில் இருந்த அது 2-1 எனும் கோல் கணக்­கில் வென்­றது. டாக்­குமோ அசானோ (படம்) வெற்றி கோலைப் போட்டார்.

ரஷ்­யா­வில் நடை­பெற்ற சென்ற உல­கக் கிண்­ணப் போட்­டி­யில் ஜப்­பான் இரண்­டாம் சுற்­று­வ­ரைச் சென்­றது. பல நட்சத்­தி­ரங்­க­ளைக் கொண்ட பெல்­ஜி­யத்­துக்கு எதிரான இரண்­டாம் சுற்று ஆட்­டத்­தில் 2-0 எனும் கோல் கணக்­கில் முன்­னணி­யில் இருந்­தும் 3-2 எனும் கோல் கணக்­கில் தோல்­வி­ய­டைந்­தது. அந்த ஆட்­டத்தை வென்­றி­ருந்­தால் உல­கக் கிண்ண வர­லாற்­றில் முதன்­மு­றை­யாக காலி­று­திச் சுற்­றுக்­குத் தகு­தி­பெற்­றி­ருக்­கும் ஜப்பான்.

இவ்­வாண்­டின் போட்­டி­யில் அணி­யில் பல புதிய விளை­யாட்­டா­ளர்­கள் தேர்ந்­தெ­டுக்­கப்­பட்­டுள்­ள­னர். 19 ஜப்­பா­னிய வீரர்­கள் முதன்­மு­றை­யாக உல­கக் கிண்­ணப் போட்­டி­யில் பங்­கேற்­கின்­ற­னர். தற்­காப்பு ஆட்­டக்­கா­ரர்­ மாயா யொஷிடா, மாற்று கோல் காப்­பா­ளர் எய்ஜி காவா­ஷிமா உள்­ளிட்­டோர் மட்­டும் அணி­யில் உள்ள வய­தான விளை­யாட்டாளர்­கள்.

புத்­து­யிர் பெற்­றுள்ள இந்த ஜப்­பான் அணி, ஜெர்­மனியை வென்­ற­து­டன் நின்­று­வி­டா­மல் தொடர் இன்ப அதிர்ச்­சி­களை வழங்­கும் நோக்­குடன் செயல்­படும் என்று எதிர்­பார்க்­கப்­ப­டு­கிறது.ஜெர்­மனிக்கு எதி­ராக ஆடி­யது­போல் மன­வு­று­தி­யுடன் விளை­யா­டி­னால் எது­வும் சாத்­தி­யம்.