அமெரிக்கா, ஈரான் இரண்டும் விளையாட்டின்மீது கவனம்

தோஹா: உல­கக் கிண்­ணக் காற்­பந்­துப் போட்­டி­யின் 'பி' பிரிவு ஆட்­டத்­தில் இன்று அமெ­ரிக்­கா­வும் ஈரா­னும் மோத­வுள்­ளன. இரு நாடு­க­ளுக்­கும் இடையே அர­சி­யல் ரீதி­யான பதற்­ற­நிலை இருந்­து­வ­ரும் வேளை­யில் இந்த ஆட்­டம் நடை­பெ­ற­வுள்­ளது.

ஆட்­டத்­தில் வெல்­லும் அணி இரண்­டாம் சுற்­றுக்கு முன்­னே­றும்.

முதல் இரு ஆட்­டங்­களில் ஒரு கோலை மட்­டுமே போட்­டது அமெ­ரிக்கா. அத­னால் இன்­றைய ஆட்­டத்­தில் தனது அணியின் தாக்குதல் ஆட்டத்தில் உள்ள பிரச்சினையை சரி­செய்­ய­வேண்­டிய நிலையில் இருக்­கி­றார் அணி­யின் பயிற்­று­விப்­பா­ளர் கிரெக் பெர்­ஹால்­டர்.

முதல் ஆட்­டத்­தில் இங்­கி­லாந்­தி­டம் 6-2 எனும் கோல் கணக்­கில் தோல்­வி­ய­டைந்த ஈரான், அடுத்த ஆட்­டத்­தில் கடைசி தரு­ணத்­தில் இரண்டு கோல்­க­ளைப் போட்டு 2-0 எனும் கோல் கணக்­கில் வேல்சை வென்­றது. அதன் மூலம் இரண்­டாம் சுற்­றுக்கு முன்­னே­றும் வாய்ப்பை அபா­ர­மான முறை­யில் தக்­க­வைத்­துக்­கொண்­டது.

கடை­சி­யாக 1998ஆம் ஆண்­டுப் போட்­டி­யின் முதல் சுற்­றில் இவ்­விரு அணி­களும் மோதின. அதுவே இரு அணி­களும் உல­கக் கிண்ணப் போட்டி­களில் மோதிய முதல் ஆட்டமுமாகும்.

அதில் 2-1 எனும் கோல் கணக்­கில் வெற்­றி­கண்­டது ஈரான்.

இதற்­கி­டையே, சமூக வலைத்­தளங்­களில் தனது தேசிய கொடி­யில் இடம்­பெற்ற சம­யம் சார்ந்த சின்­னத்தை அமெ­ரிக்க அணி அகற்­றி­யது குறித்து ஈரான் அனைத்­து­ல­கக் காற்­பந்­துச் சம்­மே­ள­னத்­தி­டம் புகார் கொடுத்­துள்­ளது. சின்னம் இடம்பெறாத ஈரானின் தேசிய கொடி டுவிட்டர், ஃபேஸ்புக் போன்ற தளங்களில் இடம்பெற்றது.

இந்த விவகாரம் சர்ச்சையை ஏற்படுத்தியது.