கவலையில்லாத இங்கிலாந்து, பிரச்சினையில் வேல்ஸ்

அல் ரயான்: 'பி' பிரி­வின் மற்­றோர் ஆட்­டத்­தில் வேல்­சி­டம் நான்கு கோல் வித்­தி­யா­சத்­தில் தோல்­வி­யடை­யா­மல் இருந்­தாலே இங்­கி­லாந்து இரண்­டாம் சுற்­றுக்கு முன்­னே­றிவிடும். அதே வேளை­யில், ஆட்­டத்தில் வெல்­ல­வேண்­டிய கட்­டா­யத்­தில் உள்­ளது வேல்ஸ். வென்­றா­லும் அமெ­ரிக்­கா­வும் ஈரா­னும் மோதும் ஆட்­டம் சம­நி­லை­யில் முடிந்­தால்­தான் வேல்ஸ் இரண்­டாம் சுற்­றுக்கு முன்­னே­ற­மு­டி­யும்.

இளை­யர்­க­ளின் துடிப்­பு­டன் ஆடும் இங்கிலாந்தை வெல்லும் சவாலை எதிர்கொள்கிறது வேல்ஸ்.

64 ஆண்­டு­களில் முதன்­மு­றை­யாக உல­கக் கிண்­ணப் போட்­டிக்­குத் தகு­தி­பெற்­றுள்­ளது வேல்ஸ். அந்த ஆனந்­தம் விரை­வி­லேயே மறை­யக்­கூ­டிய அபா­யம் நில­வு­கிறது.

எனி­னும், பல ஆண்­டு­க­ளாக அனைத்­து­ல­கக் காற்­பந்­தில் அறவே சோபிக்­கா­மல் இருந்த வேல்ஸ் அண்­மைக் கால­மா­கப் பெரி­தும் மேம்­பட்­டுள்­ளது. 2016ஆம் ஆண்­டில் முதன்­மு­றை­யாக யூரோ போட்டிக்­குத் தகு­தி­பெற்­றது மட்டு­மின்றி அரை­யி­று­திச் சுற்­று­வரை சென்றது. அதற்­குப் பிறகு சென்ற ஆண்டு நடை­பெற்ற யூரோ 2020 போட்­டிக்­கும் தகு­தி­பெற்று இரண்­டாம் சுற்­று­வரை முன்­னே­றி­யது.