அர்ஜென்டினா ஆர்ப்பரிப்பு

உலகக் கிண்ணக் காற்பந்து: ஆறாவது முறையாக இறுதிச் சுற்றுக்குள் நுழைந்தது

தோஹா: தனது முதல் ஆட்­டத்­தில் சவூதி அரே­பி­யா­வி­டம் தோற்று பேர­திர்ச்சி அளித்த அர்­ஜென்­டினா, அப்­பின்­ன­டை­வைப் பின்­னுக்­குத் தள்ளி, இன்று முதல் அணி­யாக உல­கக் கிண்­ணக் காற்­பந்­தின் இறு­திப் போட்­டிக்கு முன்­னே­றி­யுள்­ளது.

சிங்­கப்­பூர் நேரப்­படி நேற்று அதி­காலை நடந்த முத­லா­வது அரை­யி­று­தி­யில் அர்­ஜென்­டினா 3-0 என்ற கோல் கணக்­கில் கடந்­த­முறை இறு­திப் போட்­டி­யா­ள­ரான குரோ­வே­ஷி­யா­வைத் தோற்­க­டித்­தது.

ஆட்­டத்­தின் 34வது நிமி­டத்­தில் கிடைத்த பெனால்­டி­மூ­லம் முதல் கோலை அடித்து அர்­ஜென்­டி­னா­விற்கு முன்­னிலை பெற்­றுத் தந்­தார் அதன் தலை­வர் லய­னல் மெஸ்ஸி. இதன்­மூ­லம் நடப்பு உலகக் கிண்­ணப் போட்­டி­களில் அதிக கோல்­களை (5) அடித்­தோர் வரி­சை­யில் பிரான்­சின் கிலி­யன் எம்­பாப்­பே­வு­டன் முத­லி­டத்தை அவர் பகிர்ந்­து­கொண்­டார் (இன்று அதி­காலை இடம்­பெற்ற 2வது அரை­யி­று­திப் போட்­டிக்கு முந்­திய நில­வ­ரம்).

ஐந்து நிமி­டங்­க­ளுக்­குப் பிறகு திட­லின் நடுப்­ப­கு­தி­யில் இருந்து தனி­யா­ளா­கப் பந்­து­டன் முன்­னேறி, அதை வெற்­றி­க­ர­மாக வலைக்­குள் தள்­ளி­னார் அர்­ஜென்­டி­னா­வின் ஹுலி­யான் அல்­வா­ரெஸ். இரண்­டாம் பாதி­யின் 69வது நிமி­டத்­தில் எதி­ரணி வீரர்­கள் பலரை ஏமாற்றி, மெஸ்ஸி பந்­து­டன் முன்­னே­றிய விதம் 'உல­கின் சிறந்த ஆட்­டக்­கா­ர­ரா­கக் கொண்­டா­டப்­ப­டு­வ­தற்­குத் தாம் தகு­தி­யா­ன­வரே' என்­ப­தைக் காட்­டும் வித­மாக அமைந்­தது.

ஆயி­னும், தானே கோல­டிக்க முய­லா­மல், அல்­வா­ரெ­சி­டம் அவர் பந்­தைத் தள்­ளி­விட்­டார். அல்­வா­ரெ­சும் நேர்த்­தி­யாக அதனை வலைக்­குள் தள்ள, அர்­ஜென்­டி­னா­வின் வெற்றி உறு­தி­யா­னது.

போட்டிக்குப்பின் பேசிய அர்­ஜென்­டினா பயிற்­று­விப்­பா­ளர் லய­னல் ஸ்க­லோனி, "நாங்­கள் வெற்­றிக்­குத் தகு­தி­யான அணி­தான். ஆயி­னும், மூன்று கோல் வித்­தி­யா­சத்­தில் வெல்­வோம் என்று நினைக்­க­வில்லை," என்­றார்.

ஆட்­டத்­தின் பெரும்­ப­குதி நேரம் பந்து குரோ­வே­ஷியா வசம் இருந்­த­போ­தும், இரண்டு கோல் வாய்ப்­பு­களை மட்­டுமே அது உரு­வாக்­கி­யது.

இன்று அதி­காலை நடந்த 2வது அரை­யி­று­தி­ப் போட்டியில் நடப்பு வெற்­றி­யா­ள­ரான பிரான்­சும் மொரோக்­கோ­வும் மோதின.