வாகை சூடிய இந்திய மகளிர் ஹாக்கி அணி

கேப்­ட­வுன்: இந்­திய மக­ளிர் ஹாக்கி அணி, தென்­னாப்­பி­ரிக்­கா­வில் சுற்­றுப்­ப­ய­ணம் மேற்கொண்டு அந்த நாட்டு அணி­யு­டன் நான்கு ஆட்­டங்­கள் கொண்ட தொட­ரில் விளை­யாடி வரு­கிறது.

இதில் கேப்­ட­வு­னில் கடந்த வியா­ழக்­கி­ழமை நடந்த மூன்­றா­வது ஆட்­டத்­தில் தொடக்­கத்­தி­லி­ருந்து ஆதிக்­கம் செலுத்­திய இந்­திய அணி, 4-0 எனும் கோல் கணக்­கில் தென்­ஆப்­பி­ரிக்­காவை வீழ்த்தி 'ஹாட்­ரிக்' வெற்­றியை பதிவு செய்­தது.

இந்­திய அணி தரப்­பில் ராணி 2வது நிமி­டத்­தி­லும் தீப் கிரேஸ் எக்கா பெனால்டி கார்­னர் வாய்ப்­பில் 18வது நிமி­டத்­தி­லும், வந்­தனா கட்­டா­ரியா 20வது நிமி­டத்­தி­லும் சங்­கீதா குமாரி 46வது நிமி­டத்­தி­லும் கோல் போட்­டு­கள்.

இதற்கு முன்பு நடை­பெற்ற இரண்டு ஆட்­டங்­களில் இந்­திய அணி முறையே 5-1 மற்­றும் 7-0 எனும் கோல் கணக்­கில் தென்­னாப்­பி­ரிக்­கா­வைப் புரட்­டிப் போட்­டது.

இந்­தியா-தென்­னாப்­பி­ரிக்கா அணி­கள் இடை­யி­லான நான்­கா­வது மற்­றும் கடைசி ஆட்­டம் இன்று நடை­பெ­று­கிறது.

அண்மை ஆண்டுகளாக இந்திய மகளிர் ஹாக்கி அணி படிப்படியாக மேம்பட்டு வந்துள்ளது.

மக­ளிர் ஹாக்­கி­யின் பலம்­பொ­ருந்­திய அணி­க­ளுக்­குக் கடு­மை­யான சவால் விடுக்­கும் வகை­யில் அதன் தரம் உயர்ந்­துள்­ளது.

உல­கக் கிண்­ணம், ஒலிம்­பிக், காமன்­வெல்த் போன்ற மிக முக்­கி­ய­மான போட்­டி­களில் முத்­திரை பதிக்க இந்­திய மக­ளிர் ஹாக்கி அணி இலக்கு கொண்­டுள்­ளது.