பந்தைப் பறக்கவிட்டு வாகை சூடிய சென்னை

சென்னை: ஐபிஎல் கிரிக்கெட் போட்டியில் ஹைதராபாத் சன்ரைசர்ஸ் அணியை சென்னை சூப்பர் கிங்ஸ் அணி வீழ்த்தியது. இந்த ஆட்டம் நேற்று முன்தினம் இரவு சென்னை சேப்பாக்கத்தில் உள்ள எம்.ஏ. சிதம்பரம் விளையாட்டரங்கத்தில் நடைபெற்றது. இந்த ஆட்டத்தைத் தமிழ்நாட்டு முதல்வர் எம்.கே. ஸ்டாலின் தமது குடும்பத்தாருடன் நேரில் கண்டு ரசித்தார்.

பூவா தலையாவில் நான்கு முறை வெற்றியாளர் பட்டம் வென்ற சென்னை அணி வென்றது.

சென்னை அணித் தலைவர் டோனி பந்துவீச்சைத் தேர்வு செய்தார். அதன்படி ஹைதராபாத் அணி முதலில் பந்தடித்தது.

தொடக்க வீரர்களாக ஹேரி புரூக், அபிஷேக் சர்மா களமிறங்கினர். ஹேரி புரூக் 18 ஓட்டங்களில் ஆட்டமிழந்தார்.

பின்னர் அபிஷேக் சர்மா, திரிபாதி இணைந்து சிறப்பாக விளையாடினர்.

தொடர்ந்து ஆடிய அபிஷேக் சர்மா 34 ஓட்டங்கள் எடுத்து நடையைக் கட்டினார்.

அதையடுத்து திரிபாதி 21 ஓட்டங்கள், அணித் தலைவர் மார்க்ரம் 12 ஓட்டங்கள் எடுத்து அடுத்தடுத்து ஆட்டமிழந்தனர்.

சென்னை அணி சிறப்பாக பந்துவீசியதால் மயங்க் அகர்வால் 2 ஓட்டங்களும் ஹென்ரிச் கிளாசன் 17 ஓட்டங்களும் எடுத்து ஆட்டமிழந்தனர். இறுதியில் 20 ஓவர்கள் முடிவில் ஹைதராபாத் அணி 7 விக்கெட்டுகள் இழந்து 134 ஓட்டங்கள் எடுத்தது.

சென்னை அணி சார்பில் ஜடேஜா 3 விக்கெட்டுகள், ஆகாஷ் சிங், தீக்‌ஷனா ஆகியோர் தலா ஒரு விக்கெட் கைப்பற்றினர்.

இத­னைத் தொடர்ந்து 135 ஓட்­டங்­கள் இலக்­கு­டன் சென்னை அணி பந்­த­டிக்­கத் தொடங்­கி­யது.

தொடக்க வீரர்­க­ளாக ருது­ராஜ் கெய்க்­வாட், டெவோன் கான்வே கள­மி­றங்­கி­னர். தொடக்­கத்­தி­லி­ருந்து இரு­வ­ரும் சிறப்­பாக விளை­யா­டி­னர்.

அதி­ர­டி­யாக விளை­யா­டிய இரு­வ­ரும் பந்­தைப் பறக்­க­விட்­ட­னர். மார்கோ யான்­சன் வீசிய ஒரே ஓவ­ரில் 4 பவுண்­ட­ரி­கள், ஒரு சிக்­சர் அடித்து 22 ஓட்­டங்­கள் குவித்­தார் கான்வே.

ஹைத­ரா­பாத் அணி­யின் பந்­து­வீச்சை முறி­ய­டித்த கான்வே, 34 பந்­து­களில் அரை­ச­தம் அடித்­தார்.

சென்னை அணி 87 ஓட்­டங்­கள் எடுத்­த­போது 35 ஓட்­டங்­களில் ருது­ராஜ் கெய்க்­வாட் 'ரன் அவுட்' ஆனார். ரகானே 9 ஓட்­டங்­களும் ராயுடு 9 ஓட்­டங்­களும் எடுத்து ஆட்­ட­மி­ழந்­த­னர். கான்வே தொடர்ந்து ஓட்­டங்­களைக் குவித்­தார்.

இறு­தி­யில் 18.4 ஓவர்­களில் 3 விக்­கெட்­டு­கள் இழப்­புக்கு 138 ஓட்­டங்­கள் எடுத்து 7 விக்­கெட்டு­கள் வித்­தி­யா­சத்­தில் சென்னை அணி வெற்றி பெற்­றது.

ஆட்­ட­மிழக்­கா­மல் களத்­தில் இருந்த கான்வே 57 பந்­து­களில் 77 ஓட்­டங்­கள் குவித்­தார்.

இத­னால் 6 போட்­டி­களில் விளை­யா­டி­யுள்ள சென்னை 4வது வெற்­றியை பெற்­றது.