மாணவர் முரசு
இ-பேப்பர்
மும்பை: மும்பை இந்தியன்ஸ் அணித் தலைவர் ரோகித் சர்மா கடந்த ஆண்டிலிருந்தே தொடர்ந்து சொதப்பி வருவது அந்த அணி ரசிகர்களை ஏமாற்றம் அடையச் செய்துள்ளது.
'ஹிட்மேன்' என ரோகித் சர்மாவை ரசிகர்கள் அழைப்பார்கள். மும்பை அணியின் சொத்தாக விளங்கும் அவர், 2022ஆம் ஆண்டு 16 போட்டிகளில் விளையாடி வெறும் 268 ஓட்டங்களை மட்டுமே எடுத்திருந்தார். இதில் அதிகபட்ச ஓட்டம் 48தான். ஓர் அரை சதம்கூட கிடையாது. சராசரியே 19 ஓட்டங்கள்தான். இதன் காரணமாக மும்பை அணி கடந்த பருவத்தில் படுதோல்வியைத் தழுவியது.
தற்போதும் ரோகித் சர்மா மோசமாகத்தான் விளையாடி வருகிறார். இதுவரை 11 போட்டியில் விளையாடியுள்ள அவர் 191 ஓட்டங்களை எடுத்துள்ளார். இதன் சராசரி 17 ஓட்டங்கள். கடைசியாக ரோகித் சர்மா ஐபிஎல் தொடரில் விளையாடிய ஐந்து போட்டிகளிலும் மொத்தமாகவே 12 ஓட்டங்களைத்தான் எடுத்திருக்கிறார். இதில் இரண்டு 'டக் அவுட்'டும் அடங்கும். பெங்களூரு அணிக்கு எதிராக நேற்று முன்தினம் ஆடியபோது ரோகித் சர்மா 8 பந்துகளில் 7 ஓட்டங்கள் எடுத்து ஹசரங்கா பந்துவீச்சில் வீழ்ந்தார்.