லாராவை முந்தினார் கோஹ்லி

படம்: ஏஎஃப்பி

22 Jul 2023 - 6:43 pm

2 mins read

போர்ட் ஆஃப் ஸ்பெயின்: வெஸ்ட் இண்டீஸ் அணிக்கெதிரான இரண்டாவது டெஸ்ட் போட்டியில் 121 ஓட்டங்களை விளாசினார் இந்திய கிரிக்கெட் அணியின் நட்சத்திர ஆட்டக்காரர் விராத் கோஹ்லி.

டெஸ்ட் போட்டிகளில் கோஹ்லிக்கு இது 29வது சதம்.

நான்காவது ஆட்டக்காரராகக் களமிறங்கி, அவர் அடித்த 25வது சதம் இது.

அந்த வகையில், வெஸ்ட் இண்டீஸ் முன்னாள் நட்சத்திரம் பிரையன் லாராவை முந்திவிட்டார் கோஹ்லி. நான்காவது வீரராகக் களமிறங்கி லாரா 24 சதங்களை அடித்துள்ளார்.

டெஸ்ட் போட்டிகளில் நான்காவது ஆட்டக்காரராகக் களம் கண்டு அதிக சதம் அடித்தோர் பட்டியலில் இந்திய அணியின் முன்னாள் தலைவர் சச்சின் டெண்டுல்கர் முதலிடத்தில் இருக்கிறார். அவர் அந்த வகையில் 44 சதங்களை அடித்துள்ளார்.

தென்னாப்பிரிக்க வீரர் ஜாக் காலிசும் (35 சதம்) இலங்கை வீரர் மகேலா ஜெயவர்தனேவும் (30 சதம்) அடுத்த இரண்டு இடங்களில் உள்ளனர்.

தற்போது விளையாடிவரும் ஆட்டக்காரர்களில் இங்கிலாந்து அணியின் முன்னாள் தலைவர் ஜோ ரூட்டும் ஆஸ்திரேலியாவின் ஸ்டீவ் ஸ்மித்தும் நான்காவது நிலையில் ஆளுக்கு 19 சதங்களை அடித்துள்ளனர்.

ஒட்டுமொத்தத்தில், அனைத்துலகப் போட்டிகளில் கோஹ்லி அடித்த 76 சதம் இது. அவர் அனைத்துலக ஒருநாள் போட்டிகளில் 46 சதங்களையும் டி20 போட்டிகளில் ஒரு சதத்தையும் அடித்திருக்கிறார்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

கர்நாடக ரக்‌ஷண வேதிகே அமைப்பின் பல்வேறு குழுக்கள் பெங்களூரின் முக்கியத் தொழில்நுட்பப் பூங்காக்கள், நிறுவனங்களின் நிர்வாகத் தரப்பினரை நேரில் சந்தித்து கோரிக்கை மனுக்களை அளித்து வருகின்றன.

கன்னடர்களுக்கு வேலைவாய்ப்பில் முன்னுரிமை கோரும் கன்னட அமைப்புகள்

03 Nov 2026 - 4:17 PM

திருமணமாகாதவர்களில் 50.6 விழுக்காட்டினர் தங்களுக்கு ஏற்ற துணை கிடைக்காததே தாங்கள் இன்னும் திருமணமாகாமல் இருப்பதற்குக் காரணம் என்று தெரிவித்தனர்.

மலேசியர்கள் பலர் தாமதமாகத் திருமணம் செய்துகொள்கின்றனர்: ஆய்வு

03 Nov 2026 - 8:05 PM

மதுரை மாவட்டம் கருப்பாயூரணி சார்பதிவாளர் அலுவலகத்தில் ஏடிஎஸ்பி சத்தியசீலன் தலைமையில் ஏறக்குறைய நான்கு மணி நேரம் தீவிர சோதனை நடத்தப்பட்டது.

தமிழகத்தில் சார்பதிவாளர் அலுவலகங்களில் லஞ்ச ஒழிப்புத்துறை சோதனை

03 Nov 2026 - 4:09 PM

நடுத்தர, சொகுசு கார்களை வேறுபடுத்த ஐந்து அடுக்கு முறைக்கு பெரும்பாலானோர் விருப்பம் தெரிவித்துள்ளனர் என்று போக்குவரத்து அமைச்சர் ஜெஃப்ரி சியாவ் செவ்வாய்க்கிழமை (நவம்பர் 3) நாடாளுமன்றத்தில் தெரிவித்தார்.

‘சிஓஇ’ கட்டண முறை மாற்றத்துக்கு மக்கள் ஆதரவு

03 Nov 2026 - 3:54 PM

இப்போதைக்கு, டெஸ்ட் போட்டிகளில் அதிக ஓட்டங்கள் குவித்த இந்திய வீரர்கள் பட்டியலில் கோஹ்லி 8,676 ஓட்டங்களுடன் ஐந்தாம் இடத்தில் உள்ளார். சச்சின் டெண்டுல்கர், ராகுல் டிராவிட், சுனில் கவாஸ்கர், விவிஎஸ் லட்சுமண், ஆகியோர் முறையே முதல் நான்கு இடங்களில் உள்ளனர்.

இரண்டாவது டெஸ்ட் போட்டியில் முதலில் பந்தடித்த இந்திய அணி தனது முதல் இன்னிங்சில் 438 ஓட்டங்களை எடுத்தது. அடுத்து பந்தடிக்கத் தொடங்கிய வெஸ்ட் இண்டீஸ் அணி இரண்டாம் நாள் முடிவில் தனது முதல் இன்னிங்சில் ஒரு விக்கெட் இழப்பிற்கு 86 ஓட்டங்களை எடுத்திருந்தது.

இரண்டு போட்டிகள் கொண்ட டெஸ்ட் தொடரின் முதல் போட்டியில் இந்திய அணி ஓர் இன்னிங்ஸ் மற்றும் 141 ஓட்ட வித்தியாசத்தில் வெற்றிபெற்றது குறிப்பிடத்தக்கது.

இச்செய்தியைப் பகிரவும்

குறிப்புச் சொற்கள்

கிரிக்கெட்இந்தியா