மாணவர் முரசு
இ-பேப்பர்
மான்செஸ்டர்: இங்கிலிஷ் பிரிமியர் லீக்கில் ஆர்சனலுக்கு எதிரான ஆட்டத்திற்காக களமிறங்கிய குழுவிலிருந்து தாம் கைவிடப்பட்ட விவகாரத்தில் மான்செஸ்டர் யுனைடெட் ஆட்டக்காரர் ஜேடன் சாஞ்சோ வருத்தம் தெரிவித்துள்ளார்.
பயிற்சியின்போது அவர் சரியாகச் செயல்படாததால் அவர் இந்த ஆட்டத்தில் களமிறக்கப்படவில்லை என்று யுனைடெட் நிர்வாகி எரிக் டென் ஹாக் கூறினார். ஆனால், நியாயமின்றி தாம் பலியாடாக ஆக்கப்பட்டதாக 23 வயது சாஞ்சோ வேதனையுடன் கூறினார்.
ஆர்சனல்-யுனைடெட் ஆட்டத்தில் சாஞ்சோ இடம்பெறாதது ரசிகர்கள் பலருக்கு ஆச்சரியத்தை ஏற்படுத்தியது. இந்தத் தோல்வியின் காரணமாக லீக் பட்டியலில் 11வது இடத்துக்கு யுனைடெட் சரிந்தது.
2021ல் யுனைடெட்டில் சேர்ந்ததிலிருந்து 58 லீக் ஆட்டங்களில் விளையாடியுள்ள சாஞ்சோ, பயிற்றுவிப்பாளர்கள் எடுக்கும் அனைத்து முடிவுகளையும் தாம் மதிப்பதாகக் கூறினார்.
