ஜெர்மன் காற்பந்து சகாப்தம் ஆண்ட்ரேஸ் பிரேம காலமானார்

பெர்லின்: ஜெர்மன் காற்பந்து சகாப்தம் ஆண்ட்ரேஸ் பிரேம பிப்ரவரி 20ஆம் தேதி காலாமானார்.

அவருக்கு 63 வயது.

இந்தத் தகவலை அவரது முன்னாள் குழுவான பயர்ன் மியூனிக் தெரிவித்தது.

1990ஆம் ஆண்டு நடைபெற்ற உலகக் கிண்ண காற்பந்துப் போட்டியில் 1-0 எனும் கோல் கணக்கில் அர்ஜென்டினாவை வீழ்த்திய வெஸ்ட் ஜெர்மனி கிண்ணம் ஏந்தியது.

அர்ஜென்டினாவுக்கு எதிரான இறுதி ஆட்டத்தின் 85வது நிமிடத்தில் வெஸ்ட் ஜெர்மனிக்குக் கிடைத்த பெனால்டி வாய்ப்பைப் பயன்படுத்தி வெற்றி கோலைப் போட்டவர் ஆண்ட்ரேஸ் பிரேம என்பது குறிப்பிடத்தக்கது.

ஜெர்மனியின் மற்றொரு காற்பந்து சகாப்தமான ஃபிரான்ஸ் பெக்கன்பாவர் இவ்வாண்டு ஜனவரி மாதம் காலமானார்.