மாணவர் முரசு
இ-பேப்பர்
கிர்திபூர், நேப்பாள்: நமீபியாவின் ஜேன் நிக்கோல் லோஃப்டீ ஏட்டன் டி20 கிரிக்கெட் போட்டிகளில் அதிவேக சதம் அடித்த வீரர் என்ற சாதனையைப் படைத்துள்ளார்.
கிர்திபூரில் நடந்த நேப்பாளத்திற்கு எதிரான ஆட்டத்தில் ஜேன் நிக்கோல் 33 பந்துகளில் சதமடித்தார். 22 வயது ஜேன் நிக்கோல் 36 பந்துகளில் 101 ஓட்டங்கள் எடுத்தார். அதில் 8 சிக்சர்கள், 11 நான்குகள் அடங்கும்.
ஜேன் நிக்கோலின் அதிரடி சதத்தால் நமீபியா 207 ஓட்டங்கள் எடுத்தது. இலக்கை விரட்டிய நேப்பாளத்தால் 186 ஓட்டங்கள் மட்டுமே எடுக்க முடிந்தது.
இதற்கு முன்னர் டி20-இல் நேப்பாளத்தின் குஷால் மாலா 34 பந்துகளில் சதமடித்தது சாதனையாக இருந்தது. அதை தற்போது ஜேன் நிக்கோல் தகர்த்துள்ளார்.
