மீண்டும் முதலிடத்தில் லிவர்பூல்

லிவர்பூல்: இங்கிலி‌ஷ் பிரிமியர் லீக் காற்பந்துப் பட்டியலில் லிவர்பூல் மீண்டும் முதலிடத்துக்கு முன்னேறியுள்ளது.

‌ஷெஃபீல்ட் யுனைடெட்டுக்கு எதிரான ஆட்டத்தில் 3-1 எனும் கோல் கணக்கில் வென்றது லிவர்பூல்.

பிரிமியர் லீக் பட்டியலில் கடைசி இடத்தில் இருக்கும் ‌ஷெஃபீல்ட் யுனைடெட் விட்டுக்கொடுக்காமல் விளையாடியது. எனினும் ஒருவழியாக வென்றது லிவர்பூல்.

ஆட்டத்தின் 76வது நிமிடம் வரை கோல் எண்ணிக்கை 1-1 என சமநிலையில் இருந்தது. பின்னர் அலெக்சிஸ் மெக்காலிஸ்டர், கொடி காக்போ இருவரும் கோல் போட்டு லிவர்பூலை வெல்லச் செய்தனர்.

லிவர்பூலின் முதல் கோலைப் போட்டார் டார்வின் நுனியெஸ்.

லிவர்பூலின் கொனர் பிராட்லி சொந்த வலைக்குள் பந்தை அனுப்பியதால் ‌ஷெஃபீல்ட் யுனைடெட்டுக்கு கோல் விழுந்தது.