அ.தி.மு.க-வுக்கு எல்.முருகன் பதிலடி

சென்னை: பாரதிய ஜனதா கட்சி இல்லையெனில் அ.தி.மு.க. எதிர்க்கட்சியாகி இருக்க முடியாது என்று மத்திய இணை அமைச்சர் எல்.முருகன் தெரிவித்துள்ளார்.

“பா.ஜ.க. 4 எம்.எல்.ஏ.க்களை வென்றதற்கு அ.தி.மு.க.தான் காரணம். 2026 ஆண்டு நடக்கும் தேர்தலில் தனியாக நின்று ஒரு இடத்தில் ஜெயித்துக்காட்ட முடியாமா?,சொந்தக் கால் எதுவும் இல்லாமல் பா.ஜ.க எங்களைப் பார்த்துப் பேசுவது வேடிக்கையாக இருக்கிறது” என்று முன்னாள் அமைச்சர் ஜெயக்குமார் புதன்கிழமை தெரிவித்திருந்தார்.

இதற்கு பதிலளித்துள்ள மத்திய இணை அமைச்சர் எல்.முருகன், “பா.ஜ.க. மட்டும் இல்லையென்றால் அ.தி.மு.க. எதிர்க்கட்சியாக கூட இருந்திருக்க முடியாது. பா.ஜ.க. வாக்குகளை மாநிலம் முழுவதும் அ.தி.மு.க. வாங்கி உள்ளது” என்று அவர் கூறினார்.