மாணவர் முரசு
இ-பேப்பர்
ஈரோடு: அதிமுக பொதுச் செயலாளர் எடப்பாடி பழனிசாமி சர்வாதிகாரி போன்று நடந்துகொள்வதாக முன்னாள் அமைச்சர் செங்கோட்டையன் விமர்சித்துள்ளார்.
கோபியில் செய்தியாளர்களிடம் பேசிய அவர், கட்சியில் இருந்து தம்மை நீக்கியது மிக வேதனை அளித்ததாகக் குறிப்பிட்டார்.
“எம்ஜிஆரின் பாராட்டுகளைப் பெற்றவன் நான். இரவு பகல் பாராமல் ஜெயலலிதா கைகாட்டிய திசையில் பயணித்தவன். இந்த இயக்கம் வலிமையாக இருக்க வேண்டும் என்பதற்காக அயராமல் பணியாற்றினேன். ஜெயலலிதா மறைவிற்குப் பிறகு இந்த இயக்கம் உடைந்துவிடக்கூடாது என்பதற்காக இருமுறை எனக்கு முதல்வராகும் வாய்ப்பு கிடைத்தபோதும் அவற்றை விட்டுக்கொடுத்திருக்கிறேன் என்பதை நாடு அறியும்,” என்றார் செங்கோட்டையன்.
எடப்பாடி பழனிசாமி கட்சிப் பொறுப்பேற்ற பிறகு, இரண்டு சட்டப்பேரவைத் தேர்தலில் மாநகர, பேரூராட்சி, நகராட்சி தேர்தல்களில் சில சோதனைகள் காரணமாக அதிமுக வெற்றி வாய்ப்பை இழந்ததாக அவர் சுட்டிக்காட்டினார்.
“எந்தத் தேர்தல் களத்திலும் பழனிசாமி பொறுப்பேற்று வெற்றிபெற முடியாது. இந்தச் சூழலில்தான் நாடாளுமன்றத் தேர்தல் முடிந்தபிறகு என்ன செய்ய வேண்டும் என்பதை அறிந்து, வெளியே சென்றவர்கள் மன வேதனையோடு, துயரத்தில் இருப்பதைப் புரிந்துகொண்டு மீண்டும் கட்சியில் இணைக்க வேண்டும் என கருத்து தெரிவித்தோம்.
“சோர்வுடன் இருப்பவர்களை அரவணைத்துச் சென்றால்தான் வெற்றியைப் பெற முடியும்,” என்றார் செங்கோட்டையன்.
இதனிடையே, அதிமுகவுக்கு துரோகம் செய்தவர்கள் கட்சியில் இருந்து அகன்றுவிட்டதாக எடப்பாடி பழனிசாமி விமர்சித்துள்ளார்.
சேலத்தில் செய்தியாளர்களிடம் பேசிய அவர், கட்சியில் பொதுக்குழுவைக் கூட்டி தீர்மானம் நிறைவேற்றி கட்சியை விட்டு நீக்கப்பட்டவர்களோடு தொடர்பு வைத்திருந்தால் நடவடிக்கை எடுக்காமல் வேறென்ன செய்ய முடியும்? என்று கேள்வி எழுப்பினார்.
தொடர்புடைய செய்திகள்
“ஜெயலலிதாவுக்கு விசுவாசமாக இருந்ததாகச் சொல்லும் செங்கோட்டையன், அமைச்சர் பதவியில் இருந்து நீக்கப்பட்டது ஏன்?
“நான் முதல்வரான பின்னர்தான் செங்கோட்டையனை அமைச்சராகவும் மாவட்டச் செயலராகவும் நியமித்தேன்,” என்றார் பழனிசாமி.