தேர்தலுக்காக மூன்று சிறப்புக் குழுக்களை அமைத்தது அதிமுக

சென்னை: வரும் நாடாளுமன்றத் தேர்தலில் கூட்டணிக் கட்சிகளுடன் தொகுதிப் பங்கீடு குறித்து பேச்சுவார்த்தை நடத்தவும் தேர்தல் பிரசாரக் கூட்டங்களை முறைப் படுத்தவும் மக்களைக் கவரும் வகையில் தேர்தல் அறிக்கை தயாரிக்கவும் அதிமுக மூன்று சிறப்புக் குழுக்களை அமைத் துள்ளது.
ஐந்து உறுப்பினர்களைக் கொண்டிருக்கும் தொகுதிப் பங்கீடு குறித்து பேச்சுவார்த்தை நடத்தும் குழுவில் 1. கே.பி.முனுசாமி, துணை ஒருங்கிணைப்பாளர், 2. வைத்திலிங்கம், துணை ஒருங்கிணைப்பாளர், 3. தங்கமணி, அமைப்புச் செயலாளர், மின்சாரத் துறை அமைச்சர், 4. எஸ்.பி.வேலுமணி, அமைப்புச் செயலாளர், ஊரக வளர்ச்சித் துறை அமைச்சர், 5. பிரபாகர், அமைப்புச் செயலாளர் ஆகியோர் இடம் பெற்றுள்ளனர்.
ஏழு உறுப்பினர்களைக் கொண்ட தேர்தல் பிரசார முறைப்படுத்தும் குழுவில் 1. தம்பிதுரை, கொள்கை பரப்புச் செயலாளர், மக்களவை துணை சபாநாயகர் 2. திண்டுக்கல் சீனிவாசன், அமைப்புச் செயலாளர், வனத்துறை அமைச்சர் ஆகியோர் இடம்பெற்றுள்ளனர். அதே போல் தேர்தல் அறிக்கை தயாரிக்கும் குழுவில் 7 பேர் இடம்பெற்றுள்ளனர். அக்குழுவில் 1. சி.பொன்னையன், அமைப்புச் செயலாளர், 2. நத்தம் விசுவநாதன், அமைப்புச் செயலாளர், 3. ஜெயக்குமார், அமைப்புச் செயலாளர், மீன்வளத்துறை அமைச்சர், 4. சி.வி.சண்முகம், சட்டத்துறை அமைச்சர், 5. செம்மலை, அமைப்புச் செயலாளர், 6. மனோஜ் பாண்டியன், அமைப்புச் செயலாளர், 7. ரபி பெர்னர்ட், மாநிலங்களவை முன்னாள் உறுப்பினர் ஆகியோர் இடம் பெற்றுள்ளனர்.