சென்னை: நாடாளுமன்றத் தேர்தல் நெருங்கி வரும் நிலையில் கூட்டணிக்கான முயற்சிகள் மேலும் தீவிரமடைந்துள்ளன. இந் நிலையில் திமுக கூட்டணியில் பாமகவையும் இணைய வைப்பதற் கான முயற்சி நீடித்து வருவதாகக் கூறப்படுகிறது.
நாடளுமன்றத் தேர்தல் தேதி இன்னும் அறிவிக்கப்படவில்லை என்றாலும் தமிழகத்தைப் பொறுத்தவரை முக்கியக் கூட்ட ணிகள் அமைந்துவிட்டதாகவே கள நிலவரங்கள் கருத வைக் கின்றன. வழக்கம்போல் அதிமுக, திமுக தலைமையில் தனித்தனி அணிகள் அமைகின்றன. தேசிய கட்சிகளான பாஜக, அதிமுக கூட்டணியிலும், காங்கிரஸ் கட்சி திமுக கூட்டணியிலும் இடம்பெறு வது உறுதியாகிவிட்டது.
தொகுதிப் பங்கீடு குறித்து விரைவில் தகவல் வெளியாகக் கூடும்.
திமுக-காங்கிரஸ் இடையே தொகுதிப் பங்கீடு குறித்த பேச்சு வார்த்தையில் இழுபறி நீடித்து வந்தாலும் அடுத்த ஓரிரு தினங்களில் உடன்பாடு ஏற்பட்டு விடும் என்பதே இரு கட்சித் தொண்டர்களின் எதிர்பார்ப்பாக உள்ளது. திமுக கூட்டணியில் பாமக இடம்பெற வாய்ப்புள்ளதாக முதலில் தகவல் வெளியானது.
ஆனால், விடுதலைச் சிறுத் தைகள் கட்சி இதற்கு எதிர்ப்புத் தெரிவித்தது. பாமக கூட்டணிக் குள் வரும் பட்சத்தில் விடுதலைச் சிறுத்தைகள் வெளியேறும் என அக்கட்சித் தலைவர் திருமாவள வன் திட்டவட்டமாக அறிவித்தார்.
இந்நிலையில் அதிமுக அரசின் செயல்பாடுகள் குறித்துப் பாராட்டும் வகையில் பாமக நிறுவனத் தலைவர் ராமதாஸ் அறிக்கை ஒன்றை வெளியிட்டார்.
இதனால் பாமக இம்முறை அதிமுக அணியில் இணையும் என்று அரசியல் கவனிப்பாளர்கள் சிலர் கருத்துத் தெரிவித்தனர்.
இந்நிலையில் திடீர் திருப்பமாக திமுக கூட்டணியில் பாமகவை இணைய வைப்பதற்கான முயற்சி நடைபெற்று வருவதாக புதுத் தகவல் வெளியாகி உள்ளது.
அதிமுகவுடன் பாமக நடத்திய பேச்சுவார்த்தையில் அக்கட்சிக்கு 4 தொகுதிகளை ஒதுக்க அதிமுக முன்வந்ததாகவும், இதை அறிந்த திமுக தலைமை 4 தொகுதிக ளுடன் கூடுதலாக புதுவை தொகுதியையும் பாமகவுக்கு அளிக்க முன்வந்திருப்பதாகவும் கூறப்படுகிறது.
"பாமக நிறுவனர் ராமதாஸ் பாஜக-அதிமுக கூட்டணியை விரும்புகிறார். ஆனால், பாமக இளையரணித் தலைவரான அன்புமணியோ திமுக-காங்கி ரஸ் கூட்டணியை விரும்புகிறார். கட்சி நிர்வாகிகள் சிலர் அன்பு மணிக்கு ஆதரவு தெரிவித்துள் ளனர். இதையறிந்த திமுக தலைமை திருமாவளவனைச் சமாதானப்படுத்தி பாமகவையும் கூட்டணிக்குள் கொண்டுவர முயற்சிக்கிறது.
"ராமதாஸ், திருமாவளவன் இருவரையும் ஒரே மேடையில் பிரசாரம் செய்ய வைத்தால் பெரிய அளவில் பலன் கிட்டும் என்பதே திமுக தலைமையின் கணக்கு," என்று தமிழக ஊடகம் செய்தி வெளியிட்டுள்ளது.
பாமகவை கூட்டணிக்குள் இழுக்க திமுக தீவிர முயற்சி
18 Feb 2019 06:00 | மாற்றம் செய்யப்பட்ட நாள் / நேரம்: 18 Feb 2019 09:54
Register and read for free!
உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம்.
மேலும் படிக்க இலவசக் கணக்கு தொடங்கவும்.
அண்மைய காணொளிகள்
மலேசியாவில் பயிற்சியின்போது விழுந்து நொறுங்கிய இரு ஹெலிகாப்டர்கள்.
பிரியா மனம், பிரியாணி மணம். முழு காணொளி தமிழ் முரசு செயலியில். Aaqil Indian Muslim food: 272 Bukit Batok East Ave 4, Block 272, Singapore 650272
ஏப்ரல் 21 அன்று இஸ்தானா பொது வரவேற்பு நிகழ்ச்சி
பலவாகன விபத்து: உயிரிழந்த இருவரில் தெமாசெக் தொடக்கக் கல்லூரி மாணவியும் ஒருவர்
ஆண்டர்சன் சிராங்கூன் தொடக்க கல்லூரி மாணவர்களால் நடத்தப்பட்ட ‘அக்னி 2024’
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
இன்னும் ஒரு செய்தியை இலவசமாக வாசிக்க
X
அதற்குள்ளாகவா? இந்தச் செய்திகளையும் படிக்கலாமே!
அதற்குள்ளாகவா?
இந்தச் செய்திகளையும் படிக்கலாமே!