மஞ்சுவிரட்டு: பரிசுகளை அள்ளிய காளைகள், வீரர்கள்

மதுரை மாவட்டம் மேலூர் அருகே உள்ள கூத்தப்பன்பட்டி கிராமத்தில் கோவில் திருவிழாவையொட்டி நேற்று முன்தினம் மஞ்சுவிரட்டு நடைபெற்றது.

இதில் ஏராளமான காளைகளும் மாடுபிடி வீரர்களும் கலந்து கொண்டனர்.

சுற்றுவட்டாரப் பகுதிகளில் இருந்து ஆயிரக்கணக்கானோர் மஞ்சுவிரட்டை நேரில் கண்டுகளித்தனர்.

காளைகள் முட்டியதில் 5 வீரர்கள் காயமடைந்தனர். வீரர்களுக்கும் யாரிடமும் பிடிபடாத காளைகளின் உரிமையாளர்களுக்கும் பல்வேறு பரிசுகள் வழங்கப்பட்டன.

இந்நிகழ்வுக்காக பலத்த பாதுகாப்பு போடப்பட்டிருந்தது.

படம்: தகவல் ஊடகம்