வாக்குகள் விற்பனைக்கு அல்ல: இளையர்கள் அறிவிப்பு

எங்கள் வாக்கு விற்பனைக்கு அல்ல என்ற அறிவிப்புப் பதாகையை ஏந்தியவாறு ஊர்வலம் சென்ற சிவகங்கை மாவட்ட வஉசி நற்பணி மன்றத்தின் இளையர்கள். படம்: ஊடகம்

19 Dec 2019 06:10 | மாற்றம் செய்யப்பட்ட நாள் / நேரம்: 19 Dec 2019 10:14

சிவகங்கை: உள்ளாட்சித் தேர்தலில் போட்டியிடும் வேட்பாளர்களின் வீட்டிற்கே நேரடியாகச் சென்று, தங்கள் வாக்குகளை விலைக்கு வாங்க முடியாது என உணர்த்தி வருகின்றனர் சிவகங்கை இளையர்கள்.

பெரியகோட்டை அருகே உள்ள தெக்கூர் பகுதியில் இயங்கி வருகிறது வ.உ.சி. நற்பணி மன்றம். இதில் உறுப்பினர்களாக உள்ள இளையர்கள், “எங்கள் வாக்கு விற்பனைக்கு அல்ல” எனும் வாசகம் அடங்கியுள்ள பலகையுடன் வேட்பாளர்களின் வீடு தேடிச் செல்கிறார்கள்.

பின்னர் வேட்பாளர்களிடம் வாக்களிக்க பணம் தர வேண்டாம் என்ற கோரிக்கையை கடிதமாக எழுதித் தருகின்றனர்.