முதல்வர்: மக்கள் பொறுப்புடன் நடந்துகொள்ள வேண்டும்

சென்னை: கொரோனா கிருமி ஏற்­ப­டுத்­தும் பாதிப்­பு­கள் புரி­யா­மல் மக்­கள் அலட்­சி­ய­மாக அங்­கு­மிங்­கும் திரிந்து வரு­கின்­ற­னர். மக்­கள் ஒத்­து­ழைப்பு அளித்­தால்­தான் இக்­கி­ருமி மேலும் பர­வா­மல் தடுக்க முடி­யும் என்று முதல்­வர் எடப்­பாடி பழ­னி­சாமி கூறி­யுள்­ளார்.

நாடு முழு­வ­தும் ஊர­டங்கு உத்­த­ரவு இம்மாதம் 14ஆம் தேதி வரை அம­லில் இருக்­கும் என்­ப­தால் வீடற்­றவர்­கள், சாலையோர மக்­கள், தொழி­லா­ளர்­கள், வறு­மைக்கோட்­டுக்கு கீழ் வாழும் அடித்­தட்டு மக்­கள் உள்­ளிட்ட பலரும் ேபாதிய உணவின்றி அல்லல்பட்டு வரு­கின்­ற­னர்.

பெரும்­பா­லான உண­வ­கங்­கள் அமர்ந்து சாப்­பி­டும் சேவையை நிறுத்திவைத்­துள்ள நிலை­யில், தமி­ழ­கம் முழு­வ­தும் அம்மா உண­வ­கங்­கள் மட்­டும் வழக்­கம்போல் செயல்­பட்டு வரு­கின்­றன.

இந்­நி­லை­யில், சென்னை சாந்­தோம், கலங்­கரை விளக்­கம் பகு­தி­யில் உள்ள அம்மா உணவகங்­களில் ஆய்வு நடத்திய முதல்­வர், உண­வின் தரம், ஊழி­யர்­கள் சுகா­தா­ர­மான முறை­யில் உணவு சமைக்­கி­றார்­களா என்­ப­து குறித்தும் ஆய்வு செய்­தார்.

இதன்பின்­னர் செய்­தி­யா­ளர்­க­ளைச் சந்­தித்த முதல்­வர், "மக்­க­ளின் ஒவ்­வொரு உயி­ரும் அர­சுக்கு முக்­கி­யம். எனவே அர­சின் சட்­டத்தை மதித்து மக்கள் பொறுப்புடன் நடந்துகொள்ள வேண்டும்.

"கொரோனா கிரு­மி­யால் பாதிக்­கப்­ப­டு­வோ­ருக்கு சிகிச்சை அளிப்­ப­தற்­காக தமி­ழ­கத்­தில் 17,000 படுக்­கை­ வசதிகள் தயார் நிலை­யில் உள்­ளன. இங்கு இக்கிருமி பாதிப்பால் 124 பேர் சிகிச்சை பெற்று வரு­கின்­ற­னர்.

"டெல்லி மாநாட்­டில் பங்­கேற்ற வர்­க­ளின் விவ­ரம் தெரி­யா­த­தால் அவர்­கள் தாங்­க­ளா­கவே முன்­வந்து தக­வல் தெரிவித்­தால் உரிய சிகிச்சை அளிக்­கப்­படும்.

"நோயின் தீவி­ரம் தெரி­யா­மல் மக்­கள் வெளியே நட­மா­டு­கின்­ற­னர். மக்­கள் ஒத்­து­ழைப்பு அளித்­தால்தான் இக்­கி­ருமி பர­வ­லைத் தடுக்கமுடி­யும். ஒவ்­வோர் உயி­ரும் அர­சுக்கு முக்­கி­யம் என்பதால் ­தான் 144 தடை உத்­த­ரவு பிறப்­பிக்­கப்­பட்­டுள்­ளது.

"தமி­ழ­கத்­தில் ஏப்­ரல் 14ஆம் தேதிக்குப் பிறகு ஊர­டங்கு நீட்­டிக்­கப்­ப­டுமா என்­பது குறித்து மத்­திய அரசுதான் முடிவு செய்­யும்," என்று கூறி­னார்.