பல நாட்களாக புதிய தொற்று 13 மாவட்டங்களில் இல்லை

சென்னை: தமிழ்­நாட்­டில் கொரோனா கிருமி எதிர்ப்பு போரில் வெற்றி தலை­காட்­டு­கிறது என்­ப­தற்­கான சிறு­சிறு அறி­கு­றி­கள் தெரிய­ வ­ரு­வ­தாக அதி­கா­ரி­கள் குறிப்­பிட்டு இருக்­கி­றார்­கள்.

அந்த மாநி­லத்­தின் 13 மாவட்­டங்­களில் பல நாட்­க­ளாக புதி­தாக ஒரு­வ­ரைக் கூட கொரோனா கிருமி தொற்றவில்லை.

இது ஒரு­பு­றம் இருக்க, மாநி­லம் முழு­வ­தும் புதி­தாக கிருமி தொற்று­வோ­ரின் எண்­ணிக்­கை­யை­விட குண­ம­டை­வோ­ரின் எண்­ணிக்கை அதிக­மாக இருக்­கிறது.

அர­சாங்­கம் அமல்­ப­டுத்தி இருக்­கும் ஊர­டங்கு, 144 தடை உத்தரவு­கள் பல­ன­ளிக்­கத் தொடங்கி இருப்­ப­தா­கக் கூறப்­ப­டு­கிறது.

இருந்தாலும், இந்­தப் போராட்­டத்­தில் வெற்றி கிட்­டு­கிறது என்­பதை அதற்­குள்­ளாக கூறி­விட முடி­யாது என்று வல்­லு­நர்­கள் எச்­ச­ரித்து இருக்­கி­றார்­கள்.

நீல­கிரி, கன்­னி­யா­கு­மரி, ஈரோடு, தேனி, கரூர், கிருஷ்­ண­கிரி, பெரம்­ப­லூர், அரி­ய­லூர், புதுக்­கோட்டை, தர்­ம­புரி உள்ளிட்ட பகு­தி­களில் புதிய தொற்­று­கள் இல்லை என்று கூறப்­படு­கிறது.

இந்­தப் பகு­தி­களில் கடந்த ஐந்து நாட்­கள் முதல் 15 நாட்­கள் வரை புதி­தாக யாரும் பாதிக்­கப்­ப­ட­வில்லை என்­ப­தால் கிரு­மித்­தொற்று விகி­தம் குறைந்து வரு­வது போல் தெரி­வ­தாக சுகா­தார அமைச்­சர் விஜ­ய­பாஸ்­கர் கூறு­கி­றார்.

ஆனால் மாநி­லத்­தில் அன்­றா­டம் நடத்­தப்­படும் 6,500 பரி­சோ­த­னை­கள் போதாது என்­றும் இப்­போ­தைய நில­வ­ரங்­களை வைத்து ஒரு முடி­வுக்கு நாம் வர­மு­டி­யாது என்­றும் சுகா­தா­ரத்­துறை வல்­லு­நர்­கள் எச்சரிக்கிறார்­கள்.

கொரோனா கிரு­மித்­தொற்­றுக்கு ஆளா­ன­வர்­களில் குண­ம­டைந்­த­வர்­க­ளின் எண்­ணிக்கை 1,020 ஆக உயர்ந்து இருக்­கிறது. அதே­நேரத்­தில் 865 பேர் சிகிச்சை பெற்று வரு­கி­றார்­கள்.

இதில் கோயம்­புத்­தூர் முத­ல்­இடத்தை வகிக்­கிறது. மாநி­லத்­தி­லேயே கொரோனா கிரு­மித்­தொற்று நோயா­ளி­கள் வேக­மா­கக் குண­மடைந்து வரும் மாவட்­டம் என்ற பெருமையை கோயம்­புத்­தூர் பெற்று இருக்­கிறது.

அங்கு மொத்­தம் 141 பேர் கொரோனா கிரு­மித்­தொற்­றால் பாதிக்­கப்­பட்டு இருக்­கி­றார்­கள். 116 பேர் குண­ம­டைந்து இருக்­கி­றார்­கள். எஞ்­சிய 25 பேரும் விரை­வில் குண­ம­டைந்­து­வி­டு­வார்­கள் என்று கோவை ஆட்­சி­யர் தெரி­வித்­தார்.

மாநி­லத்­தில் ஞாயிற்­றுக்­கி­ழமை மட்­டும் பல்­வேறு மருத்­து­வ­ம­னை­களில் இருந்­தும் 60 பேர் குண­ம­டைந்து வீடு திரும்­பி­னர்.

இந்த நிலை­யில், மத்­திய அர­சாங்­கம் அனுப்பி இருக்­கும் ஐந்து பேரைக் கொண்ட நில­வ­ரம் அறி­யும் குழு, மாநி­லத்­தின் பல பகுதி­க­ளுக்­கும் குறிப்­பாக சென்­னை­யின் பல இடங்­க­ளுக்­கும் சென்று நேரடி ஆய்­வு­ நடத்தி வரு­கிறது.

மாாநிலத்­தில் கொரோனா கிரு­மித்­தொற்­றில் இருந்து குண­ம­டை­வோ­ரின் எண்­ணிக்கை ஏறக்­குறைய 55 விழுக்­கா­டாக அதி­க­ரித்து இருப்­பதை மத்­திய குழு­வி­னர் பாராட்டி வரு­வ­தாகத் தெரி­விக்­கப்­பட்டு உள்­ளது.

மாநிலத்தில் காணப்படும் உற்சாக நிலவரம் நீடித்து மேம்படும் பட்சத்தில் கிருமி தொற்றுவோரின் எண்ணிக்கை இன்னும் குறையும் என்றும் குணமடைவோர் அளவு கூடும் என்றும் நம்பப்படுகிறது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!