கொரோனா உயிரிழப்புகள்: தமி­ழக அரசு எதை­யும் மூடி மறைக்­க­வில்லை

சென்னை: கொரோனா உயி­ரி­ழப்புகள் தொடர்­பாக தமி­ழக அரசு எதை­யும் மூடி மறைக்­க­வில்லை. அப்­படி எதை­யும் எளி­தில் மறைத்­து­வி­ட­வும் முடி­யாது என்று தமி­ழக முதல்­வர் எடப்­பாடி பழ­னி­சாமி தெரி­வித்­துள்­ளார்.

"எல்­லா­வற்­றி­லும் நாங்­கள் எந்த ஒரு ஒளிவு மறை­வு­மின்றி வெளிப்படைத் தன்­மை­யு­டன் தான் நடந்து வரு­கி­றோம்," என்று அவர் மேலும் கூறி­னார்.

தமிழ்­நாட்­டில் சென்னை உட்­பட பல மாவட்­டங்­களில் 'கொவிட்-19' கிரு­மித்­தொற்று பர­வும் வேகம் அதி­க­ரித்து வரு­கிறது.

அதி­லும் குறிப்­பாக, சென்னையில் இத்­தொற்­றால் பாதிக்­கப்­பட்டு சிகிச்சை பெற்று வரும் நோயாளிகளின் இறப்பு எண்­ணிக்கை நாளுக்கு நாள் அதி­க­ரித்து வரும் நிலை­யில், தமி­ழக அரசு கொரோனா நோயா­ளி­க­ளின் எண்­ணிக்கை, இறப்பு எண்­ணிக்­கையை குறைத்­துக் கூறு­வ­தாக தொடர் குற்­றச்­சாட்­டு­கள் எழுந்து வரு­கின்­றன.

இதை­ய­டுத்து, சேலத்­தில் ரூ.441 கோடி செல­வில் கட்­டப்­பட்ட ஈர­டுக்கு மேம்­பா­லத்தை திறந்து வைத்து பழ­னி­சாமி நேற்று விளக்­கம் அளித்­தார்.

"தமி­ழ­கத்­தில் கிரு­மித்­தொற்று சமூ­கப் பர­வ­லாக மாற­வில்லை. புள்­ளி­வி­வ­ரங்­க­ளின் அடிப்­ப­டை­யில் கொரோனா தொடர்­பான விவ­ரங்­களை வெளிப்­ப­டை­யாக வெளி­யிட்டு வரு­கி­றோம்," என்­றார்.

இதற்­கி­டையே, மருத்­து­வ­ம­னை­களில் கூடு­தல் எண்­ணிக்­கை­யி­லான மருத்­து­வா்­கள், தாதி­யா்­கள், மருத்­து­வப் பணி­யா­ளா்­கள் நிய­மிக்­கப்­பட்டு வரு­கின்­றனா். கொரோனா சிகிச்சை அளிப்­ப­தற்­காக மேலும் 1,239 மருத்­து­வா்­களை பணி­ய­மா்த்தி உள்­ள­தாக சுகா­தார அமைச்சா் சி.விஜ­ய­பாஸ்கா் கூறி­யுள்­ளார்.

தமிழக முதல்வர் எடப்பாடி பழனிசாமி

'கொவிட்- 19' கிருமித்தொற்று சமூகப் பரவலாக மாறவில்லை. கொரோனா உயிரிழப்புகளைப் பொறுத்தவரை அரசு எதையும் மறைக்கவில்லை. மறைக்கவும் முடியாது. வெளிப்படைத் தன்மையையே பின்பற்றுகிறோம்.