சுடச் சுடச் செய்திகள்

பாராட்டிய பிரதமர் மோடியிடம் ரூ.3,000 கோடி நிதி கோரிய தமிழக முதல்வர்

சென்னை: கொரோனா தடுப்பு நட­வ­டிக்­கை­களைத் திறம்­பட மேற்­கொள்ள தமி­ழ­கத்­திற்கு ரூ.3,000 கோடி நிதியை உட­ன­டி­யாக வழங்­க­வேண்­டும் என பிரதமர் மோடியிடம் தமிழக முதல்வர் பழனிசாமி வலியுறுத்தி உள்ளார்.

கொரோனா கிரு­மித்­தொற்­றின் தாக்­கத்­தால் அதி­கம் பாதிக்­கப் பட்­டுள்ள தமி­ழ­கம் உட்­பட ஏழு மாநில முதல்­வர்­க­ளு­டன் பிர­த­மர் மோடி காணொ­ளிக் காட்சி வழி கலந்­து­ரை­யா­டி­னார்.

அப்போது, ஊர­டங்­கின் கார­ண­மாக முடங்­கிய பொரு­ளா­தா­ரத்தை மீட்க தளர்­வு­களை அதி­கப்­ப­டுத்­தும்­ப­டி­ மாநில முதல்­வர்­களை மோடி வலி­யு­றுத்­தி­னார்.

ெதாடர்ந்து பேசியவர், “கொரோனா கிரு­மிப் பர­வ­லைக் கட்­டுப்­ப­டுத்­து­வ­தில் தமி­ழக அர­சின் பங்கு பாராட்­டிற்­கு­ரி­யது. இதன் மூலம், நாட்­டி­லுள்ள பிற மாநி­லங் களுக்­கு தமிழ்­நாடு ஓர் எடுத்­துக் காட்­டாக விளங்கி வரு­கிறது,” என்று கூறி­னார்.

தலை­மைச் செய­ல­கத்­தில் இருந்­த­படி இந்த ஆலோ­ச­னை­யில் பங்­கேற்ற முதல்­வர் பழ­னி­சாமி, பிர­த­மர் மோடி­யி­டம் பல்­வேறு கோரிக்­கை­களையும் முன்­வைத்­தார்.

அதன்­படி, கொரோனா தடுப்­புப் பணிக்­காக மேலும் ரூ.3,000 கோடி உட­ன­டி­யா­கத் தேவை என்று கூறி­ய­வர், “ஜிஎஸ்டி வரு­வாய் குறைந்த கார­ணத்­தி­னால் மத்­திய அரசு தமி­ழ­கத்­திற்கு சிறப்பு நிதி­யாக ரூ.9,000 கோடி ஒதுக்­க­வேண்­டும்.

“கொரோனா முறி­ய­டிப்பு நட­வ­டிக்­கை­களை மேற்­கொள்ள அதி­கம் செல­வி­டப்­ப­டு­கிறது. நிதி நெருக்­க­டி­யான கால­கட்­டத்­தில் தொடர்ந்து இவ்­வ­ளவு தொகையைத் தமிழக அரசால் செல­விட முடி­யாது என்­ப­தால் கொரோனா தடுப்­புப் பணிக்­காக தமி­ழ­கத்­திற்கு மேலும் ரூ.3,000 கோடியை உட­ன­டி­யாக வழங்க வேண்­டும்.

“அத்துடன், ரூ. 1,000 கோடியை மாநில பேரி­டர் நிவா­ரண நிதிக்கு உட­ன­டி­யாக விடு­விக்­க­வேண்­டும்,” என்று முதல்­வர் கோரினார்.

தமி­ழக அரசு எடுத்து வரும் நட­வ­டிக்கைகள் கார­ண­மாக கொரோனா இறப்பு விகி­தம் 1.62% ஆக உள்­ளது எனக் குறிப்­பிட்டவர், கொரோனா பரி­சோ­த­னைக்கு தின­மும் 6 கோடியே 80 லட்­சம் ரூபாய் செல­வா­கும் நிலை­யில், இதில் சரி­பா­தியை மத்­திய அரசு வழங்க வேண்­டும் எனவும் வலியுறுத்தினார்.

நாட்­டில் கொரோ­னா­வால் பாதிக்­கப்­பட்ட 63% மக்கள் மகா­ராஷ்­டி­ரம், தமி­ழ­கம், ஆந்­தி­ரப்பிர­தே­சம், கர்­நா­டகா, உத்­த­ரப்பிர­தே­சம், டெல்லி, பஞ்­சாப் ஆகிய ஏழு மாநி­லங்­க­ளைச் சேர்ந்­த­வர்­கள் என்றும் தெரிவிக்கப்பட்டுள்ளது.

இதற்கிடையே, அ​க்டோ­பர் 1 ஆம் தேதி முதல் தமி­ழ­கம் முழு­வ­தும் ஒரே நாடு ஒரே ரேஷன் திட்­டம் அமல்ப­டுத்­தப்­பட உள்­ளது. இத்­திட்­டத்தை செயல்­ப­டுத்­து­வது தொடர்­பாக அமைச்­சர்­கள், அதி­கா­ரி­க­ளு­டன் முதல்வர் ­ஆலோ­னை தொடங்கி உள்­ளார்.

கொரோனா தடுப்புப் பணிகளுக்கான மருத்துவக் கட்டமைப்பை வலுப்படுத்த ரூ.3,000 கோடி நிதியை மத்திய அரசு அளிக்கவேண்டும். தேசியப் பேரிடர் நிவாரண நிதியில் இருந்து ரூ.1,000 கோடியை மாநில பேரிடர் நிவாரண நிதிக்கு உடனடியாகத் தரவேண்டும்.

தமிழக முதல்வர் பழனிசாமி

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon