மாணவர் முரசு
இ-பேப்பர்
வாஷிங்டன்: அமெரிக்காவின் ஸ்டான்ஃபோர்ட் பல்கலைக்கழகத்தால் தொகுக்கப்பட்ட உலகின் சிறந்த விஞ்ஞானிகளின் பட்டியலில் தமிழ்நாட்டைச் சேர்ந்த நூற்றுக்கும் மேற்பட்டவர்கள் இடம்பெற்றுள்ளனர்.
மொத்தம் 21 துறைகளில் பணியாற்றும் சுமார் ஒரு லட்சம் சிறந்த விஞ்ஞானிகளைக் கொண்ட அந்தப் பட்டியலில் இந்தியாவைச் சேர்ந்த 1,594 மருத்துவர்களும் அறிவியல் அறிஞர்களும் இடம் பெற்றுள்ளனர்.
அந்தப் பட்டியல் குறித்த அறிக்கை 'ப்ளோஸ் பயோலஜி' என்ற இதழில் வெளியிடப்பட்டது. தலைசிறந்த விஞ்ஞானிகள் பட்டியலில் 36 பேராசிரியர்களுடன் சென்னை ஐஐடி கல்வி நிலையம் முன்னிலை வகிக்கிறது.
திருச்சி என்ஐடியின் ஏழு அறிஞர்கள் அப்பட்டியலில் இடம் பெற்றுள்ளனர்.
அண்ணாமலை பல்கலைக்கழகத்தைச் சேர்ந்த ஒன்பது பேர் பாரதியார் பல்கலைக்கழகத்தைச் சேர்ந்த எட்டு பேர் பட்டியலில் உள்ளனர்.
தமிழக மத்திய பல்கலைக்கழகம், மதுரை காமராஜ் பல்கலைக்கழகம், மனோன்மணியம் சுந்தரனார் பல்கலைக்கழகம், அழகப்பா பல்கலைக்கழகம் மற்றும் பாரதிதாசன் பல்கலைக்கழகம் ஆகிய நிறுவனங்களிலிருந்து தலா இரண்டு பேரும்;
பெரியார், அண்ணா மற்றும் சென்னை பல்கலைக்கழகம் ஆகியவற்றிலிருந்து தலா ஒருவரும் அந்தப் பட்டியலில் இடம் பெற்றுள்ளனர்.