தமிழர்களுக்கு மேன்மேலும் பெருமை சேருங்கள்: அமெரிக்க முதல் பெண் துணை அதிபருக்கு தமிழக தலைவர்கள் வாழ்த்து

சென்னை: உல­க­மகா வல்­ல­ர­சான அமெ­ரிக்காவில் நடந்த அதி­பர் தேர்­த­லில் பல்வேறு முதல் சாத­னை­களுடன் துணை அதி­ப­ராக கமலா ஹாரிஸ், 55, பதவி ஏற்­கி­றார்.

தமி­ழ­கத்­தில் உள்ள திரு­வா­ரூர் அருகே இருக்­கும் துள­சேந்­தி­ர­பு­ரம் என்ற கிரா­மத்­தைப் பூர்­வீ­க­மாகக் கொண்ட அவர், துணை அதி­பராக போட்­டி­யி­டும் வேட்­பா­ள­ராக அறி­விக்­கப்­பட்­ட­துமே தமிழ் உல­கம் அவ­ரைப் பாராட்டத் தொடங்­கி­யது.

குறிப்­பாக துள­சேந்­தி­ர­பு­ரம் மக்­கள் கமலா ஹாரிஸ் வெற்­றி­யில் மிக­வும் நாட்ட­மாக, பரபரப்பாக இருந்து வந்தனர்.

அவர்­கள் எதிர்­பார்த்­த­தைப் போலவே இப்­போது கமலா ஹாரிஸ் வெற்றி பெற்று இருப்­ப­தால் உல­கம் முழு­வ­தை­யும் சேர்ந்த தமி­ழ­ர்­களி­டம் இருந்து அமெ­ரிக்க துணை அதி­ப­ருக்கு வாழ்த்­துகள் குவிந்து வரு­கின்­றன.

இதில் தமி­ழக அர­சி­யல்­வா­தி­களும் சேர்ந்­து­கொண்­டுள்­ள­னர்.

"அமெ­ரிக்­கா­வின் 46வது அதி­பராக பத­வி­யேற்க உள்ள ஜோ பைட­னுக்கு மன­மார்ந்த வாழ்த்­துகள்.

"அமெ­ரிக்­கா­வின் முதல் பெண் துணை அதி­ப­ராக வெற்றி பெற்­றி­ருப்­ப­தன் மூலம் தமி­ழ­கத்­துக்கு கமலா ஹாரிஸ் பெருமை சேர்த்­துள்­ளார்," என்று முதல்­வர் பழ­னி சாமி குறிப்­பிட்­டுள்ளார்.

அதே­போல் திமுக தலை­வர் ஸ்டா­லின், "இந்த வர­லாற்றுச் சிறப்பு மிக்க தேர்­த­லில் தமிழ் பாரம்­ப­ரி­யம் கொண்ட ஒரு பெண்ணை தமது துணை அதி­ப­ராக அமெ­ரிக்க மக்கள் தேர்வு செய்­த­தில் மகிழ்ச்சி அடை­கி­றேன்," என்று கூறியுள்ளார்.

ஒட்­டு­மொத்த தமி­ழர்­க­ளுக்­கும் பெருமை சேர்க்­கும் வகை­யில் கமலா ஹாரிஸ் செயல்­பா­டு­கள் அமை­யட்­டும் என்று அமமுக பொதுச்­செ­ய­லா­ளர் டிடிவி தின­கரன் டுவிட்­ட­ரில் தெரி­வித்­துள்­ளார்.

மநீம தலைவர் கமல்ஹாசன் உள்ளிட்ட இதர பல­ரும் அமெ­ரிக்க அதி­ப­ருக்­கும் துணை அதி­ப­ருக்­கும் வாழ்த்து தெரி­வித்து வரு­கிறார்­கள்.