தமிழகத்தில் முதலில் ஐந்து லட்சம் மக்களுக்கு தடுப்பூசி

சென்னை: தமி­ழக மக்­கள் ஐந்து லட்­சம் பேருக்கு முதல்­கட்­ட­மாக கொரோனா தடுப்­பூசியை இலவசமாகப் போடுவதற்கு நட­வ­டிக்கைகள் எடுக்­கப்­பட்­டு வருவதாக சுகா­தா­ரத் துறை முதன்­மைச் செயலா் டாக்டா் ஜெ.ராதா­கி­ருஷ்­ணன் தெரி­வித்துள்ளார்.

அதற்­கான முன்­னேற்­பா­டு­களும் ஆயத்­தப் பணி­களும் மேற்­கொள்­ளப்­பட்டு வரு­வ­தா­க­வும் அவா் மேலும் கூறினாா்.

இதுகுறித்து டாக்டா் ஜெ.ராதா­கி­ருஷ்­ணன் கூறுகையில், "தமி­ழ­கத்­தில் பொது­மக்­கள் அனை­வ­ருக்­கும் கொரோனா தடுப்பூசியைப் போடுவதற்கான ஆயத்­தப் பணி­கள் நடந்து வருகின்றன.

"அரசு மருத்­து­வ­ம­னை­கள், ஆரம்ப சுகா­தார நிலை­யங்­கள், சுகா­தார மையங்­கள், மாநில மருத்­து­வப் பணி­களுக்கான கழ­கம் உள்ளிட்ட தமி­ழ­கம் எங்கும் உள்ள 2,800 இடங்­களில் இரு கோடி தடுப்பு மருந்துகளைப் பாது­காப்­பாக இருப்பு வைப்­ப­தற்­கான வச­தி­களும் ஏற்­ப­டுத்­தப்­பட்டு வரு­கின்­றன.

"அது­மட்­டு­மல்­லாது, முதல்­கட்­ட­மாக 5 லட்­சம் பேருக்கு தடுப்­பூசி வழங்கவும் திட்­ட­மி­டப்­பட்­டுள்­ளது.

"மருத்­து­வா்­கள், தாதியா்­கள் உள்­ளிட்ட மருத்­து­வப் பணி­யா­ளா்­கள், முன்­க­ளப் பணி­யா­ளா்­களுக்கு முதல்­கட்ட தடுப்­பூசி வழங்­கப்­படும்.

"இதை­ய­டுத்து 65 வய­துக்கு மேற்­பட்ட முதி­ய­வர்­களுக்கும் 50 வய­துக்கு குறை­வான இதர நோய் உள்­ள­வர்­க­ளுக்­கும் தடுப்­பூசி போட முன்­னு­ரிமை அளிக்­கப்­படும். இதைத்­தொ­டர்ந்து பொது­மக்­க­ளுக்கும் இந்தத் தடுப்­பூசியைப் போடத் திட்­ட­மிட்­டுள்­ளோம்.

"இந்த நட­வ­டிக்­கை­கள் அனைத்­தும் மத்­திய அர­சின் வழி­காட்­டி நெறிமுறைகள், அறி­வு­றுத்­த­லின் அடிப்­ப­டை­யில் மேற்­கொள்­ளப்­படும்," என்றாா் அவா்.

கொரோனா தடுப்பூசியைப் போட்டுக்கொண்டாலும் பொது மக்­கள் முக­க்க­வ­சம், சமூக இடை­வெளியைக் கடைப்­பிடிப்பதும் மிக வும் முக்கியம் என்றும் ராதா­கி­ருஷ்­ணன் சொல்லியுள்ளார்.

கொரோனா தடுப்பூசி குறைந்த விலையில் வழங்கப்படும் என மத்திய அரசு கூறியுள்ள நிலையில், இந்த தடுப்பூசி எந்தவித கட்டணமும் பெறாமல் தமிழகத்தில் உள்ள அனைத்து மக்களுக்கும் இலவச மாகப் போடப்படும் என்று முதல்வர் அறிவித்துள்ளதாக கடந்த 6ஆம் தேதி சுகாதாரத்துறை அமைச்சர் விஜயபாஸ்கரும் கூறியிருந்தது நினைவு கூரத்தக்கது.