மாணவர் முரசு
இ-பேப்பர்
சென்னை: தமிழகத்தைச் சேர்ந்த சிறுமி லட்சுமி சாய் ஸ்ரீ 58 நிமிடங்களில் 46 விதமான உணவுகளைச் சமைத்து சாதனை படைத்துள்ளார்.
இதையடுத்து அவரது பெயர் ‘யுனிகோ’ உலக சாதனைப் புத்தகத்தில் இடம்பிடித்துள்ளது.
கொரோனா ஊரடங்கின் போது வீட்டில் முடங்க நேரிட்டதால் தனது தாயாரிடம் சமைக்க கற்றுக்கொண்டுள்ளார் இச்சிறுமி.
சமையல் கலையில் மகளுக்கு ஏற்பட்ட ஆர்வத்தைக் கண்ட லட்சுமியின் தந்தை உலக சாதனை படைக்கும்படி ஊக்கம் கொடுத்துள்ளார்.
கேரளாவைச் சேர்ந்த சிறுமி சான்வி, ஒரு மணி நேரத்தில் 33 வகையான உணவு வகைகளைச் சமைத்து சாதனை படைத்திருப்பதை அறிந்த லட்சுமி சாய் ஸ்ரீ, தற்போது அதை முறியடித்துள்ளார்.
தமது தாயாரிடம் இருந்து பல்வேறு உணவு வகைகளைச் சமைக்க கற்றுக்கொண்டதாக குறிப்பிட்டுள்ள சிறுமி லட்சுமி சாய் ஸ்ரீ, உலக சாதனையாளர்கள் பட்டியலில் தமது பெயரும் இடம்பெற்றிருப்பது மகிழ்ச்சி அளிப்பதாக தெரிவித்துள்ளார்.
