மாணவர் முரசு
இ-பேப்பர்
ராஜபாளையம் தொகுதியில் பாஜக சார்பில் நடிகை கவுதமி போட்டியிடப் போவதாக அக்கட்சியின் தேர்தல் இணை பொறுப்பாளர் சுதாகர் ரெட்டி அறிவித்திருப்பது அதிமுக தரப்பை அதிர்ச்சி அடைய வைத்துள்ளது.
இரு கட்சிகளுக்கும் இடையே தொகுதிப் பங்கீடு இன்னும் முடிவடையவில்லை.
இந்நிலையில் ராஜபாளையத்தில் பாஜக தேர்தல் ஆலோசனைக் கூட்டம் நடைபெற்றது.
இதில் கலந்து கொண்டு பேசிய சுதாகர் ரெட்டி, ராஜபாளையம் தொகுதி வேட்பாளரான கவுதமி வெற்றி பெற வாழ்த்துகள் என்றார்.
இவ்வாறு அறிவிப்பது கூட்டணி தர்மத்தை மீறிய செயல் என ராஜபாளையம் பகுதி அதிமுகவினர் கூறியுள்ளனர்.
மேலும், அமைச்சர் ராஜேந்திர பாலாஜி இத்தொகுதியில் களமிறங்க இருப்பதாகவும் அதிமுக வட்டாரங்களில் கூறப்படுகிறது.
இதற்கிடையே, சென்னை சேப்பாக்கம் தொகுதியில் நடிகை குஷ்பு தீவிர பிரசாரம் செய்து வருகிறார். அவர் பாஜக சார்பில் அங்கு களமிறக்கப்படுவார் என ஒரு தகவல் உலா வருகிறது.
இவ்வாறு தொகுதிப் பங்கீடு முடிவடையும் முன்பே சில தொகுதிகளை குறிவைத்து பாஜக பிரசார நடவடிக்கைகளை மேற்கொள்வது சரியல்ல என்று அதிமுக தரப்பில் சுட்டிக்காட்டப்பட்டுள்ளதாக ஊடகத் தகவல்கள் தெரிவிக்கின்றன.