நடிகர் விவேக்குக்கு மக்கள் கண்ணீர் அஞ்சலி ‘விவேக்கின் மரணத்திற்கு அரசே பொறுப்பு’

சென்­னை: நகைச்சுவை நடிகரும் தமிழில் 500க்கும் மேற்பட்ட படங்களில் நடித்தவரும் சின்னக் கலைவாணர் என்று புகழப்பட்ட வருமான நடிகர் விவேக் நேற்று அதிகாலை மருத்துவமனையில் காலமானார். அவருக்கு வயது 59.

இந்த துயரச் செய்தியைக் கேட்டு தமிழக மக்கள், தமிழ்த் திரையுலகினர் மட்­டு­மின்றி உல­கெங்­கும் உள்ள அவ­ரது ரசிகர்­களும் அதிர்ச்­சிக்கு ஆளா­னதுடன் சோகத்­திலும் ஆழ்ந்­துள்­ள­னர்.

திரைத்­து­றை­யில் ஒப்­பற்ற நகைச்­சுவை நடி­க­ராக வலம் வந்த விவேக்கின் மறை­வுக்கு பிர­பல நடி­கர்­க­ளான ரஜினிகாந்த், பார்த்­தி­பன் உள்ளிட்ட நடிகர்களும் பிர­த­மர் நரேந்­திர மோடி, தமி­ழக முதல்­வர் பழ­னி­சாமி, எதிர்க்­கட்­சித் தலை­வர் மு.க.ஸ்டா­லின் உள்­ளிட்­டோரும் இரங்­கல் தெரி­வித்­துள்­ள­னர்.

இந்திய அரசின் 'பத்ம ஸ்ரீ' விரு தையும் பெற்றுள்ள விவேக்குக்கு பொதுமக்களும் ரசிகர்களும் கண்ணீர் அஞ்சலி செலுத்தி வருகின்றனர்.

மரங்களை நட்டு கலாமின் கனவுக்கு உருவம் கொடுத்து வந்த சமூக ஆர்வலருமான நடிகர் விவேக்குக்கு ஏரா­ள­மா­னோர் மரக்­கன்­று­க­ளு­டன் சென்­றும் அஞ்­சலி செலுத்­தி­னர்.

இதற்கிடையே, விவேக்­கிற்கு சிகிச்சை பலனளிக்­கா­மல் போன­தன் கார­ணம் குறித்து மருத்து­வ­ மனை நிர்­வா­கம் விளக்­கம் அளித்­துள்­ளது.

அதன்­படி, மருத்­து­வ­ம­னை­யில் அனு­ம­திக்­கப்­ப­டும்­போது நடி­கர் விவேக்­குக்கு சுய­நி­னைவோ, நாடித்­து­டிப்போ இல்லை என்று தெரி­வித்­துள்­ளது.

உடல்­நி­லையைப் பரி­சோ­தித்து உட­ன­டி­யாக ஆஞ்­சி­யோ­கி­ராம் செய்­யப்­பட்­டது என்று தெரி­வித்­துள்ள மருத்­து­வர்­கள், அவ­ரது இத­யம் பல­வீ­ன­மாக இருந்­த­தால் சிகிச்சை பல­ன­ளிக்­க­வில்லை என்றும் கூறியுள்­ள­னர்.

அதேநேரம், தடுப்பூசி தொடர் பான சர்ச்சைக்கு விளக்கமளித்த தமிழக சுகாதாரத்துறைச் செயலாளர் ஜெ.ராதாகிருஷ்ணன், "நடிகர் விவேக் மிகவும் நல்ல எண்ணத்தில் தான் தடுப்பூசி போட்டுக் கொண் டார். அவருக்கு மாரடைப்பு ஏற்பட்ட செய்தி மிகுந்த அதிர்ச்சி அளிக் கிறது. மத்திய அரசின் தடுப்பூசி வழிகாட்டு நெறிமுறைகளின்படி இதயக்கோளாறு, புற்றுநோய் போன்ற பல்வேறு நோய் உள்ளவர்கள் கட்டாயம் தடுப்பூசி போட்டுக்கொள்ள வேண்டும் என்றுதான் குறிப்பிடப்பட்டுள்ளது. எனினும், இதற்கும் நேற்று தடுப்பூசி போட்டதற்கும் எந்த தொடர்பும் இல்லை," என்றார்.

சென்­னை: பல கோடி மக்களை மகிழ்வித்த கலைஞர் நடிகர் விவேக்கின் மரணத்திற்கு மத்திய, மாநில அரசுகளே முழு பொறுப்பேற்கவேண்டும் என்று தமிழ்நாடு பால் முகவர்கள் தொழிலாளர்கள் நலச் சங்கத் தலைவர் சு.ஆ.பொன்னுசாமி (படம்) கூறியுள்ளார்.

"தடுப்பூசியைப் போட்டுக் கொள்வதற்கு முன்பு வரை ஆரோக்கியமாக இருந்த சின்னக் கலைவாணர் விவேக், தடுப்பூசியை போட்டுக்கொண்ட பிறகு மாரடைப்பு ஏற்பட்டு அவசர சிகிச்சைப் பிரிவில் அனுமதிக்கப்பட்டதை எங்களால் தாங்கிக்கொள்ள முடியவில்லை.

"நன்றாக இருந்த அவருக்கு 100% இருதய அடைப்பு இருந்த தாக மருத்துவர்கள் கூறியிருப் பது பல்வேறு சந்தேகங்களை எழுப்பியுள்ளது. தடுப்பூசி தொடர்பான குழப்பங்களை மறைக்கவே மத்திய, மாநில அரசுகள் இதுபோல் நாடகமாடு கின்றனவோ? என சந்தேகம் வருகிறது," என்று கூறியுள்ளார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!