மாணவர் முரசு
இ-பேப்பர்
திருமணம் என்பது மறக்கமுடியாத ஒரு தருணமாக இருந்தாலும், அதை மேலும் மெருகூட்டும் விதமாக பாராசூட்டில் திருமணம், மலை உச்சியில் திருமணம், கப்பலில் திருமணம் என புதுமை யான முறையில் அவ்வப்போது திருமணங்களை நடத்துவது வழக்கமாகி வருகிறது.
அந்த வரிசையில் தற்போது பறந்துகொண்டிருந்த விமானத்தில் உறவினர்கள் முன்னிலையில் நடந்துள்ள திருமணம் பெரும் சர்ச்சையாகி உள்ளது.
விமானத்தில் நடந்த திருமணம் குறித்து விசாரணைக்கு மத்திய விமானப் போக்குவரத்துத் துறை இயக்குநரகம் உத்தரவிட்டுள்ளது. மேலும் திருமணம் நடந்த விமானத்தின் ஊழியர்கள் அனைவரும் தற்காலிகமாகப் பணி இடைநீக்கம் செய்யப்பட்டு உள்ளதாகவும் தகவல்கள் வெளிவந்துள்ளன.
மதுரை கோரிப்பாளையத்தைச் சேர்ந்த மரக்கடை அதிபர் மகன் ராகேஷும் மதுரை தொழிலதிபரின் மகள் தீக்சனாவும் ஸ்பைஸ்-ஜெட் விமானம் ஒன்றை ஒன்றரை மணி நேரத்திற்கு வாடகைக்கு எடுத்து விமானத்தில் பறந்தபடியே மணமகன், மணமகளுக்கு தாலி கட்டி திருமணம் செய்துள்ளனர்.
மதுரையிலிருந்து தூத்துக்குடிக்கு நேற்று காலை புறப்பட்ட விமானத்தில் மணமகன், மணமகளின் உறவினர்கள் 161 பேர் மட்டும் அனுமதிக்கப்பட்டனர். கொரோனா பரிசோதனை செய்துகொண்ட பிறகே அவர்கள் அனைவரும் விமானத்தில் அனுமதிக்கப்பட்டனர்.
