பாஜக பதிலடி: "எங்களால் தோற்றீர்களா? உங்களால்தான் நாங்கள் தோற்றோம்" சி.வி. சண்முகம்: பாஜகவால் அதிமுக வெற்றி கைநழுவியது

வி­ழுப்­பு­ரம்: நடந்து முடிந்த தமி­ழக சட்டமன்றத் தேர்தலில் ஆளும் கட்சியாக இருந்த அதிமுக எதிர்க்கட்சியானது. எதிர்க்கட்சி யாக இருந்த திமுக இப்போது ஆட்சிக் கட்டிலில் அமர்ந்துள்ளது.

இதுபோன்ற ஓர் எதிர்பாராத நிலை ஏற்படுவதற்கு பாஜகவுடன் அமைத்­த கூட்டணிதான் கார­ணம். இதனால்தான், அதி­மு­க­வின் வெற்றி கைந­ழு­விப்போனது என அதிமுக முன்­னாள் அமைச்­சர் சி.வி.சண்­முகம் குற்றஞ்சாட்டி உள்ளார்.

இந்தக் கருத்து அதி­முக-பாஜகவுக்கு இடை­யே­யான உறவில் விரி­சலை ஏற்­படுத்தி உள்ளதாகவும் எதிர்­வ­ரும் உள்­ளாட்­சித் தேர்­த­லில் இக்கட்சிகளின் கூட்­டணி தொட­ர்வது சந்தேகம்தான் என்றும் அரசியல் வட்டாரத் தகவல்கள் தெரிவித்துள்ளன.

தமிழகத்தில் உள்ளாட்சித் தேர்தல் நடத்தப்படாத ஒன்பது மாவட்டங்களில் செப்டம்பர் 15ஆம் தேதிக்குள் தேர்தலை நடத்தும்படி மாநிலத் தேர்தல் ஆணையத்துக்கு உச்ச நீதிமன்றம் அண்மையில் உத்தரவிட்டது.

இதையடுத்து, உள்ளாட்சித் தேர்தலுக்கான பணி குறித்து விழுப்­பு­ரம் மாவட்­டம், திண்­டி­வ­னம் அருகே நடந்த கூட்­டத்தில் அதி­முக மாவட்டச் செய­லா­ளர் சி.வி.சண்­மு­கம் பேசி­னார்.

"திமு­கவின் ஆட்சி வர­வேண்­டும் என்பதற்காக மக்கள் யாரும் விருப்­பப்­பட்டு வாக்­க­ளிக்க­வில்லை. மக்­கள் மத்­தி­யில் பொய்­யான வாக்­கு­றுதி­க­ளைக் கொடுத்து திமு­க­வி­னர் ஆட்­சிக்கு வந்­து­விட்­ட­னர்.

"அதிமுக ஆட்சி அமைக்கும் என்பது மக்கள் எதிர்பார்ப்பு. ஆனால், கூட்டணிக் கணக்கு சரியில்லை. நாம் பாஜ­க­வு­டன் மட்­டும் கூட்­டணி சேரா­மல் இருந்­தி­ருந்­தால் சிறு­பான்­மை­யின­ரின் வாக்­கு­கள் முழுமையாக அதி­மு­க­வுக்குக் கிடைத்­தி­ருக்­கும். தமி­ழ­கத்­தில் அதி­முக ஆட்­சியே இப்போதும் தொடர்ந்­தி­ருக்­கும்," என்று தெரிவித்தார்.

"இப்போதும் நாம் வலு­வான எதிர்க்­கட்­சி­யாக இருக்­கி­றோம். வரும் உள்­ளாட்சித் தேர்­த­லில் அனைவரும் சுறுசுறுப்புடனும் ஒற்றுமையுடனும் பணி­யாற்ற வேண்­டும்," என்றார்.

முன்னாள் அமைச்சர் ஆர்பி உதயகுமார் பேசியபோது, திமுக வின் வாக்குறுதிகளை மக்கள் முழுமையாக ஏற்றுக்கொண்டது தான் அதிமுகவின் தோல்விக்கு காரணம் என்றும் அதிமுகவின் வாக்குறுதிகள் மக்களிடம் போய் சேர்க்கப்படவில்லை என்றும் தெரிவித்தார்.

கே.டி. ராகவன் பதிலடி

இதற்கிடையே, சி.வி சண்­மு­கத்­தின் கருத்துக்கு பாஜகவினர் கடும் எதிர்ப்பு தெரிவித்துள்ளனர். சி.வி.சண்முகம் கூறியதற்குப் பதிலடி தரும் வகையில் டுவிட்டரில் பதிவிட்டுள்ள பாஜக மாநிலப் பொதுச் செயலாளர் கே.டி.ராகவன், "எங்களால் தோற்றீர்களா? உங்க ளால்தான் நாங்கள் தோற்றோம் என்ற எண்ணம் எங்களிடமும் உள் ளது," எனக் குறிப்பிட்டுள்ளார்.