கே.பி.அன்பழகன்: சோதனையில் நகை, பணம், பொருள் எதுவும் கைப்பற்றப்படவில்லை அதிகாரிகள்: ரூ.3 கோடி பணம், 6 கிலோ தங்கம் பறிமுதல்

சென்னை: கடந்த அதி­முக ஆட்சி­யில் உயர்­கல்­வித் துறை அமைச்­சராக இருந்­த­வர் கே.பி. அன்­ப­ழ­கன். இவ­ருக்­குச் சொந்­த­மான வீடு, அலு­வ­ல­கங்­கள் என 58 இடங்­களில் நடத்­தப்­பட்ட சோத­னை­யில் ஏறக்­கு­றைய ரூ.3 கோடி ரொக்கம் கைப்­பற்­றப்­பட்­டுள்ளதாக லஞ்ச ஒழிப்­புத் துறை அதி­கா­ரி­கள் தெரி­வித்­துள்­ள­னர்.

அத்­து­டன், 6 கிலோ தங்க நகை­கள், 13 கிலோ வெள்­ளிப் பொருள்­களும் கைப்பற்­றப்­பட்­டுள்­ள­தா­க­வும் அவர்­கள் மேலும் கூறி­யுள்­ள­னர்.

முன்­னாள் அமைச்­சர் கே.பி.அன்­ப­ழ­க­னின் வீடு, அவ­ரது உற­வி­னர்­கள், நெருக்­க­மா­ன­வர்­க­ளின் வீடு­கள், அலு­வ­ல­கங்­கள் என 58 இடங்­களில் லஞ்ச ஒழிப்­புத் துறை­யி­னர் நேற்று முன்­தி­னம் ஒரே சம­யத்­தில் அதிரடிச் சோதனைகளை மேற்­கொண்­ட­னர்.

அன்­ப­ழ­க­னுக்கு நெருக்­க­மாக இருந்த பாப்­பி­ரெட்­டிப்­பட்டி தொகுதி அதி­முக எம்­எல்ஏ கோவிந்­த­சா­மி­வீட்­டி­லும் இச்சோதனை நடந்தது.

இது­தொ­டர்­பாக, லஞ்ச ஒழிப்­புத் துறை­யி­னர் வெளி­யிட்­டுள்ள செய்­திக்­கு­றிப்­பில், கே.பி.அன்­ப­ழ­கன் வீட்­டிலிருந்து ரூ.2 கோடியே 87 லட்­சத்து 98 ஆயி­ரத்து 650 ரொக்­கப் ­ப­ணம், 6 கிலோ 637 கிராம் தங்­கம், 13 கிலோ 850 கிராம் வெள்­ளிப் பொருள்­கள் கைப்­பற்­றப்­பட்­டுள்­ளன.

அத்­து­டன், வங்­கிப் பாது­காப்பு பெட்­ட­கத்­தின் சாவி­யும் முக்­கிய ஆவ­ணங்­களும் கைப்­பற்­றப்­பட்­டுள்­ளன எனவும் செய்­திக்­கு­றிப்­பில் கூறப்­பட்டு உள்­ளது.

திமுக ஆட்­சிக்கு வந்­த­பி­றகு இது­வரை முன்­னாள் அமைச்­சர்­கள் தங்­க­மணி, எஸ்.பி.வேலு­மணி, சி.விஜ­ய­பாஸ்­கர், எம்.ஆர்.விஜ­ய­பாஸ்­கர், கே.சி.வீர­மணி உள்ளிட்டோர் சொத்­துக்­கு­விப்பு வழக்கு­களில் சிக்கி உள்­ள­னர். இப்பட்­டி­ய­லில் கே.பி. அன்­ப­ழ­க­னும் இப்­போது சேர்ந்­துள்­ளார்.

கே.பி. அன்­ப­ழ­கன் தன்­னு­டைய வரு­மா­னத்தை விட கூடு­த­லாக ரூ.11.32 கோடி அள­வுக்கு சொத்து சேர்த்­துள்ளதாக­ லஞ்ச ஒழிப்­புத் துறை­யி­னர் தெரி­வித்­துள்­ள­னர்.

இந்­நி­லை­யில், செய்­தி­யா­ளர்­களிடம் கே.பி.அன்­ப­ழ­கன் கூறுகை யில், “பொது­மக்­க­ளுக்குப் பொங்­கல் பரி­சுத் தொகுப்பு வழங்­கி­ய­தில் ரூ.500 கோடி ஊழல் என எதிர்க்­கட்­சித் தலை­வர் பழ­னி­சாமி குற்­றம்­சாட்­டிய நிலை­யில், அந்த ரூ. 500 கோடி ஊழலை திசை திருப்பவே திமுக அரசு எனது வீட்­டில் சோதனையை நடத்தி உள்ளது. இரவு வரை நடந்த சோத­னை­யில் எனது வீட்­டி­லி­ருந்து பணம், நகை, ஆவ­ணங்­கள் எதுவும் கைப்­பற்­றப்­ப­ட­வில்லை என லஞ்ச ஒழிப்புத் துறை­யி­னர் எழுத்து மூல­மாக தெரிவித்துள்­ள­னர். ஆனால், திமுக அர­சுக்கு இணக்­க­மாக செயல்­படவேண்­டும் என்­பதற்­காக பல தொலைக்­காட்­சி­களும் எனது வீட்­டில் கட்டுகட்­டாக பணம், நகை, ஆவ­ணங்­களை கைப்­பற்­றி­ய­தாக பொய்­த் தக­வலை பரப்பி வருகின்றன. இப்பிரச்­சி­னையை சட்டரீதி­யாக எதிர்­கொள்வேன்,” எனத் தெரி­வித்­தார்.

அதிமுக முன்னாள் அமைச்சர்களின் வீடுகளில் சோதனை நடத்தியதில் எந்தவித உள்நோக்கமும் இல்லை. உப்புத் தின்றவன் தண்ணீர் குடிக்க வேண்டும். யார் தவறு செய்தாலும் தண்டனை அனுபவிப்பது இயல்புதான். மற்றபடி, அரசியல் காழ்ப்புணர்ச்சிக்கு இடமில்லை.

போக்குவரத்துத் துறை அமைச்சர் ராஜகண்ணப்பன்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!