'தேர்தல் மன்னன்' 227வது முறை மனுத் தாக்கல்

சேலம்: 'தேர்­தல் மன்­னன்' என்று அழைக்­கப்­படும் சேலத்­தைச் சேர்ந்த கே.பத்­ம­ரா­ஜன் என்­ப­வர், நகர்ப்­புற உள்­ளாட்­சித் தேர்­த­லில் போட்­டி­யி­டு­வ­தற்­காக தனது ேவட்புமனு­வைத் தாக்­கல் செய்­தார்.

தமி­ழ­கத்­தில் வரும் 19ஆம் தேதி இத்தேர்­த­லுக்­கான வாக்குப் பதிவு நடை­பெ­ற­வுள்­ளது.

இந்­நி­லை­யில், நேற்று முன்­தி­னம் முதல் வேட்­பா­ளர்­கள் தங்­க­ளது வேட்பு மனுக்­க­ளைத் தாக்­கல் செய்து வரு­கின்­ற­னர்.

தேர்­தல் ஆணையத்தின் அறி­விப்பின்படி சனிக்­கி­ழ­மையான நேற்றும் பலரும் வேட்பு மனுக் களைத் தாக்கல் செய்தனர். வரும் திங்­கள் முதல் இப்பணி மேலும் தீவி­ர­ம­டை­யும் என்றும் கூறப்­ப­டு­கிறது.

இதற்­கி­டையே, சேலம் மாவட்­டம், மேட்­டூ­ரைச் சேர்ந்த ஓமி­யோ­பதி மருத்­து­வர் பத்­ம­ரா­ஜன் தனது வேட்பு மனு­வைத் தாக்­கல் செய்­தார்.

சட்­ட­மன்­றத் தேர்­தல், நாடா­ளு­மன்­றத் தேர்­தல், உள்­ளாட்­சித் தேர்­தல் என எந்த ஒரு தேர்­த­லாக இருந்­தா­லும் தயங்­கா­மல் இவ­ரும் போட்­டி­யி­டு­வார்.

தமி­ழ­கத்­தில் மட்­டு­மின்றி வட­மா­நி­லங்­க­ளி­லும் பல தேர்­தல் களங்­க­ளைக் கண்­ட­வர். முன்­னாள் பிர­த­மர் இந்­திரா காந்தி, எம்­ஜி­ஆர், கரு­ணா­நிதி உள்­ளிட்­ட­வர்­களை­யும் எதிர்த்து அவ­ர்­க­ளது தொகு­தி­களில் போட்­டி­யிட்­டுள்­ளார். இப்­படி, அவர் இது­வரை தாக்­கல் செய்த வேட்புமனுக்­க­ளின் எண்­ணிக்கை 227 ஆகும்.

இதற்­கி­டையே, இந்த தேர்­த­லில் போட்­டி­யி­டு­ப­வர்­கள் கட்­டா­யம் இரு தவணை கொரோனா தடுப்­பூசி போட்டதற்­கான சான்­றி­தழை வேட்பு மனு­வு­டன் இணைக்க வேண்­டும் என்று தேர்­தல் ஆணை­யம் அறி­வித்­துள்­ளது.