போட்டி வேட்பாளர்கள்: களையெடுத்த திமுக

சென்னை: நகர்ப்­புற உள்­ளாட்­சித் தேர்­த­லில் திமு­க­வுக்கு எதி­ரா­கப் போட்டி வேட்­பா­ளர்­க­ளா­கக் கள­மி­றங்கி உள்ள 56 பேரை கட்­சி­யில் இருந்து நீக்­கு­வ­தாக அக்­கட்­சி­யின் பொதுச்­செ­ய­லா­ளர் துரை­மு­ரு­கன் அறி­வித்­துள்­ளார்.

இது தொடர்­பாக வெளி­யிட்ட அறிக்­கை­யில், கட்­சிக் கட்­டுப்­பாட்டை மீறி­ய­தால் இந்­ந­ட­வ­டிக்கை எடுக்­கப்­ப­டு­வ­தாக அவர் விளக்­கம் அளித்­துள்­ளார்.

இம்­முறை நகர்ப்­புற உள்­ளாட்­சித் தேர்­த­லில் திமுக தலை­மை­யில் பல்­வேறு கட்­சி­கள் கூட்­டணி அமைத்து போட்­டி­யி­டு­கின்­றன.

தேர்­தல் தேதி அறி­விக்­கப்­ப­டு­வ­தற்கு முன்­பா­கவே, இத்­தேர்­த­லில் கட்­சி­யின் முக்­கிய நிர்­வா­கி­கள் தங்­கள் வாரி­சு­க­ளுக்­கும் குடும்­பத்­தா­ருக்­கும் வாய்ப்பு கேட்டு தலை­மைக்கு நெருக்­கடி கொடுக்­கக்­கூ­டாது என்று கட்­சித் தலை­வர் மு.க.ஸ்டா­லின் திட்­ட­வட்­ட­மா­கக் கூறி­விட்­ட­தா­கத் தக­வல் வெளி­யா­னது.

மேலும், கூட்­ட­ணிக் கட்­சி­க­ளுக்­கான வார்டு ஒதுக்­கீடு குறித்து திமுக மாவட்ட செய­லா­ளர்­களே முடிவு செய்­வார்­கள் என்­றும் கூறப்­பட்­டது. அதன்­படி, இடப்­பங்­கீடு முடி­வ­டைந்து தேர்­தல் பிர­சா­ர­மும் நடை­பெற்று வரு­கிறது.

இந்­நி­லை­யில், தேர்­த­லில் போட்­டி­யிட வாய்ப்பு கிடைக்­காத சிலர், திமுக, அதன் கூட்­ட­ணிக் கட்­சி­க­ளின் வேட்­பா­ளர்­களை எதிர்த்து கள­மி­றங்கி உள்­ள­னர்.

அவர்­கள் அனை­வ­ரும் உட­ன­டி­யாக போட்­டி­யில் இருந்து விலக வேண்­டும் என திமுக தலைமை கடு­மை­யாக எச்­ச­ரித்­த­போ­தும் பலன் இல்லை.

இதை­ய­டுத்து, போட்டி வேட்­பா­ளர்­க­ளாக கள­மி­றங்­கிய 56 பேரை கட்­சி­யின் அடிப்­படை உறுப்­பி­னர் பொறுப்­பில் இருந்து நீக்­கு­வ­தாக பொதுச் செய­லா­ளர் துரை­மு­ரு­கன் அறிக்கை வழி தெரி­வித்­துள்­ளார்.

"திமு­க­வுக்கு அவப்­பெ­யர் ஏற்­படும் வகை­யில் செயல்­பட்டு வந்­த­தால், 56 பேரும் கட்­சி­யின் அடிப்­படை உறுப்­பி­னர் உள்­ளிட்ட அனைத்து பொறுப்­பு­களில் இருந்­தும் தற்­கா­லி­க­மாக நீக்கி வைக்­கப்­ப­டு­கி­றார்­கள்," என துரை­மு­ரு­கன் தமது அறிக்­கை­யில் மேலும் குறிப்­பிட்­டுள்­ளார்.

இதற்­கி­டையே, வத்­தி­ரா­யி­ருப்பு பேரூ­ராட்சி 2ஆவது வார்டு திமுக வேட்­பா­ள­ரான 43 வயது முத்­தையா என்­ப­வர் மார­டைப்­பால் கால­மா­னார். அந்த வார்­டுக்­கான தேர்­தல் ஒத்திவைக்­கப்­ப­டு­கிறது.