உக்ரேனிலுள்ள தமிழக மாணவர்களை மீட்க ஜெய்சங்கருடன் முதல்வர் பேச்சு

சென்னை: உக்ரே­னில் உள்ள தமிழக மாண­வர்­களை விரை­வாக மீட்க வேண்­டும் என்று மத்­திய வெளி­யு­றவு அமைச்­சர் ஜெய்­சங்­கரி­டம் தமி­ழக முதல்­வர் ஸ்டா­லின் வலி­யு­றுத்தி உள்­ளார்.

நேற்று முன்­தி­னம் அமைச்­சர் ஜெய்­சங்­கரை தொலை­பேசிவழி தொடர்­பு­கொண்டு பேசிய அவர், உக்ரே­னில் உள்ள தமிழ் மாண­வர்­கள் குறித்த விவ­ரங்­க­ளைத் தெரி­வித்து, அவர்­க­ளுக்­குத் தேவை­யான உணவு, இருப்­பிட வசதி, பாது­காப்பு ஆகி­ய­வற்றை உறுதி செய்ய வேண்­டும் எனக் கேட்­டுக் கொண்­டார்.

மேலும், தமி­ழக மாண­வர்­களை மீட்­ப­தற்கு என தனி அலு­வ­லர் ஒரு­வரை மத்­திய அரசு நிய­மிக்க வேண்­டும் என்­றும் அதன் மூலம் மீட்பு நட­வ­டிக்­கை­களை ஒருங்­கிணைக்க வேண்­டும் என்­றும் முதல்­வர் ஸ்டாலின் வலி­யு­றுத்­தி­ய­தாக தமி­ழக அரசு தெரி­வித்­துள்ளது.

இந்­நி­லை­யில், மாண­வர்­களை மீட்­பது தொடர்­பாக உரிய நட­வடிக்­கை­களை மத்­திய அரசு மேற்­கொண்டு வரு­கிறோம் என்றும் தமி­ழக மாண­வர்­கள் அனை­வ­ரும் விரை­வில் மீட்­கப்­ப­டு­வார்­கள் என்­றும் மத்திய அமைச்­சர் ஜெய்­சங்­கர் தமிழக முதல்­வ­ரி­டம் உறுதி அளித்­துள்­ளார்.

இதற்­கி­டையே, உக்­ரே­னில் தமி­ழகத்­தின் 21 மாவட்­டங்­க­ளைச் சேர்ந்த சுமார் 1,840 மாணவ, மாண­வி­யர் அடை­யா­ளம் காணப்­பட்­டுள்­ள­தாக அய­ல­கத் தமி­ழர் நலன், மறு­வாழ்­வுத்­துறை அமைச்­சர் செஞ்சி மஸ்­தான் தெரி­வித்­துள்­ளார்.

போலந்து, ருமே­னியா நாடு­களில் இருந்து இயக்­கப்­பட உள்ள 15 சிறப்பு விமா­னங்­க­ளின் மூலம் அம்­மா­ண­வர்­கள் அனை­வ­ரும் தமி­ழ­கத்­துக்கு அழைத்து வரப்­ப­டு­வார்­கள் என்று அவர் செய்­தி­யா­ளர்­களி­டம் பேசு­கை­யில் குறிப்­பிட்­டார்.

இது தொடர்­பாக மத்­திய அரசு­டன் இணைந்து உரிய நட­வ­டிக்கை­கள் எடுக்­கப்­பட்டு வரு­வ­தாக அமைச்­சர் கூறி­னார்.

தஞ்சை மாணவர்களின் மனதைக் கரைய வைக்கும் காணொளி

இதற்­கி­டையே, உக்­ரே­னில் பதுங்கு குழி­களில் தங்­கி­யுள்ள தமி­ழக மாண­வி­கள் நான்கு பேர் தங்­கள் பெற்­றோ­ருக்கு அனுப்பி உள்ள காணொ­ளிப் பதிவு பார்ப்­ப­வர்­கள் மன­தைக் கரைய வைப்­ப­தாக உள்­ளது.

தஞ்­சா­வூர் மாவட்­டம் ஒரத்­த­நாட்­டைச் சேர்ந்த ஆஷா, தஞ்­சா­வூ­ரைச் சேர்ந்த மார்­ஷெ­லின், பிர­பா­வதி உட்­பட ஒன்­பது மாண­வி­கள் உக்­ரே­னில் கடந்த நான்கு நாள்­க­ளுக்­கும் மேலாக பதுங்குகுழி­யில் உள்­ள­னர்.

அந்­தச் சிறிய பதுங்குகுழி­யில் அதி­க­மா­னோர் தங்­கி­யி­ருப்­ப­தால் மூச்­சுத்­தி­ண­றல் ஏற்­பட வாய்ப்­புள்­ள­தா­க­வும் இத­னால் அச்­சத்­து­டன் ஒவ்­வொரு நிமி­டத்­தை­யும் கழிப்­ப­தா­க­வும் மாண­வி­கள் கூறி­யுள்­ள­னர்.

"அள­வில் சிறிய பதுங்குகுகை­யில் உணவு, தண்­ணீர் இல்லை. மெட்ரோ ரயில் நிலையங்களில் தங்கி உள்ளவர்கள் இயற்கை உபாதையை கழிப்­ப­து­கூட சிர­ம­மாக உள்­ளது. நாப்கின் இல்லாமலும் சிரமப்படுகிறோம். குண்டு­ச் சத்­தம் கேட்­கும்­போதெல்­லாம் இத­யத் துடிப்பே நின்­று­வி­டும்­போல் உள்ளது.

"ஒவ்­வொரு முறை­யும் குண்டு வெடிக்­கும் சத்­தம் கேட்­கும்­போது, அடுத்த முறை உயி­ரு­டன் இருப்­போமா எனத் தெரி­யா­மல் பயத்­து­டன் தவித்து வரு­கி­றோம்," என்று மாண­வி­கள் அக்­கா­ணொ­ளிப்பதி­வில் கண்­ணீர்மல்க குறிப்­பிட்­டுள்­ள­னர். உக்­ரே­னில் இம்­மா­ண­வி­கள் ஜபோ­ரி­ஷியா பகு­தி­யில் மருத்­து­வம் படித்து வரு­கின்­ற­னர்.

அங்­கி­ருந்து சுமார் 500 கிலோ மீட்­டர் தொலை­வில் உக்­ரேன் எல்லைப் பகு­திக்­குச் சென்­றால்­தான் அவர்­க­ளால் இந்­தியா திரும்ப முடி­யும். இதற்கு 24 மணி நேரம் பய­ணம் செய்ய வேண்­டி­யி­ருக்­கும் என்­றும், இந்­திய அர­சின் அனு­ம­தி­யைப் பெற்ற பிறகே பய­ணம் மேற்­கொள்ள முடி­யும் என்­றும் அவர்­கள் கூறி உள்­ள­னர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!