மழை வரும் முன் வடிகால் பணிகளை முடிக்க உத்தரவு; ஸ்டாலின் நடவடிக்கை

சென்னை: சென்­னை­யில் மழை­நீர் வடி­கால் இல்­லாத பகு­தி­களில் மழை நீர் கட்­ட­மைப்பை ஏற்­ப­டுத்­த­வும், கால்­வாய் இணைப்பு பகுதி இல்­லாத பகு­தி­களில் இணைப்பை ஏற்­ப­டுத்தி, வரும் காலங்­களில் மழை­நீர் தேங்­காத அள­வுக்கு கட்­ட­மைப்பை உரு­வாக்­க­வும் மாந­க­ராட்சி அதி­கா­ரி­க­ளுக்கு முதல்­வர் மு.க.ஸ்டா­லின் உத்­த­ர­விட்டு இருந்­தார்.

அதன்­படி முதல் கட்­ட­மாக திரு.வி.க. நகர் மண்­ட­லம் புளி­யந்­தோப்பு பகு­தி­யில் புவி­யி­யல் மேற்­ப­ரப்­புக்கு ஏற்ப புதிய மழை­நீர் வடி­கால் ஏழு கோடி ரூபாய் செலவில் அமைக்­கும் பணி நடை­பெற்­றது.

புளி­யந்­தோப்பு நெடுஞ்­சாலை, டெம­லஸ் சாலை, டிகாஸ்­டர் சாலை ஆகிய பகு­தி­களில் சிறு தெருக்­க­ளி­லும் புவி­யி­யல் மேற்­ப­ரப்­புக்கு ஏற்ப மழை­நீர் வடி­கால் அமைக்­கப்­பட்டு வந்­தது.

வழக்­க­மாக 6 முதல் 7 சென்டி மீட்­டர் மழை­நீர் வடி­வ­தற்கு ஏற்ப கட்­டப்­படும் வடி­கால் கட்­ட­மைப்பு 10 சென்டி மீட்­டர் மழை நீரை உள்­வாங்­கும் அள­வுக்கு பெரி­தாக அமைக்­கப்­பட்­டு உள்­ளது.

இதே போல் வேப்­பேரி பிர­தான சாலை­யி­லும் கால்­நடை மருத்­து­வக் கல்­லூரி முன்­பாக பெரிய அள­வில் மழை­நீர் வடி­கால் வசதி கட்­டப்­பட்டு வந்­தது.

இந்­தப் புதிய மழை­நீர் வடி­கால் கட்­டும் பணி­களை நேற்று காலை முதல்­வர் மு.க.ஸ்டா­லின் நேரில் சென்று பார்­வை­யிட்­டார்.

முத­லில் வேப்­பேரி பிர­தான சாலைக்­குச் சென்ற ஸ்டா­லின், காரை­விட்டு இறங்கி அங்­கி­ருந்து நடந்து சென்று மழை நீர் வடி­கால் கால்­வாய் கட்­டும் பணி­களை பார்வையிட்­டார்.

முதல்­வர் மு.க. ஸ்டா­லி­னுக்கு மாந­க­ராட்சி ஆணை­யா­ளர் ககன்­தீப்­சிங் பேடி, வடிகால் பணி­க­ளைப் பற்றி விளக்­கி­னார்.

அப்­போது பணி­களை விரைந்து முடிக்குமாறு முதல்­வர் கூறி­னார்.

இதன்­பி­றகு புளி­யந்­தோப்பு நெடுஞ்­சாலை பகு­திக்கு முதல்­வர் மு.க.ஸ்டா­லின் சென்­றார். அங்கு நடை­பெற்று வரும் பணி­க­ளை­யும் அவர் பார்­வை­யிட்­டார். பின்­னர் பெரம்­பூர் நெடுஞ்­சா­லை­யில் கூக்ஸ் சாலை சந்­திப்­புக்கு சென்று அங்கு நடை­பெற்று வரும் பணி­க­ளை பார்வை­யிட்­டார்.

இந்­தப் பணி­களை ஆய்வு செய்த முதல்­வர், பின்­னர் அங்­கி­ருந்து மயி­லாப்­பூர் பறக்­கும் ரயில் நிலை­யம் அருகே உள்ள ராமா­ராவ் தெரு­வுக்­குச் சென்­றார். அங்கு நடக்கும் மழை­நீர் வடி­கால் பணி­க­ளை­யும் அவர் பார்­வை­யிட்­டார்.

பின்­னர் மந்­தை­வெளி பேருந்து நிலை­யம் அருகே தேவ­நா­தன் தெரு­வில் நடை­பெற்று வரும் மழை­நீர் வடி­கால் பணி­களை பார்­வை­யிட்­டார்.

இது தவிர சென்னையில் மற்ற இடங்களில் நடைபெற்று வரும் பணிகள் குறித்தும் மாநகராட்சி ஆணையரிடம் அவர் கேட்டறிந்தார்.

"அடுத்த மழை வருவதற்குள் சென்னை நகரில் மழைநீர் வடிகால் கால்வாய்களை விரைந்து கட்டி முடிக்க வேண்டும்," என்று ஸ்டாலின் அதிகாரிகளிடம் கேட்டுக் கொண்டார். அமைச்சர் சேகர்பாபு, தயாநிதி மாறன் எம்.பி., மேயர் பிரியா, துணை மேயர் மகேஷ்குமார், எம்எல்ஏக்கள், அதிகாரிகள், கட்சி நிர்வாகிகள் ஆகியோர் முதல்வருடன் இருந்தனர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!