மாணவர் முரசு
இ-பேப்பர்
கோபன்ஹேகன்: டென்மார்க்கில் நடைபெற்ற டேனிஷ் ஓபன் அனைத்துலக நீச்சல் போட்டியில் நடிகர் மாதவனின் மகன் வேதாந்த் (படம்) கலந்துகொண்டு தங்கம் வென்று சாதனை படைத்துள்ளார்.
வேதாந்த், கடந்த இரு நாள்களுக்கு முன்னர்தான் டென்மார்க் தலைநகர் கோபன்ஹேகனில் நடைபெற்ற 1,500 மீட்டர் பிரிவுக்கான நீச்சல் போட்டியில் வெள்ளிப் பதக்கம் வென்றிருந்தார்.
இந்நிலையில், அவர் மீண்டும் தற்போது 800 மீட்டர் பிரிவில் பங்கேற்று தங்கப்பதக்கத்தை வென்றுள்ளார். எதிர்வரும் 2026ல் நடைபெறவுள்ள ஒலிம்பிக் போட்டிக்குத் தயாராகி வரும் வேதாந்த்துக்கு பல தரப்பினரிடம் இருந்தும் வாழ்த் துகள் குவிந்து வருகின்றன.
இதுகுறித்து நடிகர் மாதவன் தனது இன்ஸ்டகிராம் பக்கத்தில், "உங்களுடைய ஆசீர்வாதத்தால் தொடர்ந்து வெற்றிகள் கிடைத்து வருகின்றன. இப்போது 800 மீட்டர் பிரிவில் தங்கம் கிடைத்துள்ளது. இச்சாதனை மகிழ்ச்சி அளிப்பது மட்டுமின்றி நாடே பெருமை கொள்வதாகவும் இளைஞர்களுக்கு உத்வேகம் அளிக்கக்கூடிய வகையிலும் உள்ளது. இதற்காகப் பயிற்சியாளர் பிரதீப்புக்கும் உறுதுணையாக இருந்த அனைவருக்கும் நன்றி கூறிக்கொள்கிறேன்," என்று பதிவிட்டுள்ளார்.