விழுப்புரம்: விழுப்புரம் மாவட்டம், அனந்தபுரம் அருகே புதுப்பேட்டை பகுதியில் திமுக நிர்வாகி வெங்கடேசன் உடல்நலக் குறைவால் தனது இல்லத்தில் உள்ளதை அறிந்த சிறுபான்மையினர் நலத்துறை அமைச்சர் மஸ்தான் நேற்று புதுப்பேட்டைக்குச் சென்றார்.
வெங்கடேசன் வீட்டிற்குச் செல்லும் சாலை குறுகலாக இருந்ததால் ஆட்டோ ஒன்றில் அமைச்சர் ஏறிச் சென்றார். இந்தப் படம் சமூக ஊடகங்களில் பரவியது. ஆட்டோ ஓட்டுநர் இருக்கையில் அமைச்சர் அமர்ந்து பயணம் செய்தது மோட்டார் வாகனச் சட்ட விதிகளுக்கு எதிரானது என்ற விமர்சனமும் எழுந்துள்ளது.

