ஸ்டாலின்: கல்வியால்தான் வாழ்க்கைத் தரம் முன்னேறும்

'கல்வி தாகத்தை தீர்க்கவே எண்ணும் எழுத்தும் திட்டம் தொடங்கப்படுகிறது'

சென்னை: தண்ணீர் எப்­படி தாகத்தை போக்கு­கி­றதோ, அதே போல் கல்வி தாகத்தை, அறிவு தாகத்தை தீர்க்கக்கூடிய வகை­யில் 'எண்­ணும் எழுத்­தும்' என்ற திட்­டம் தமி­ழக அர­சால் தொடங்­கப்­ப­டுவ­தாக முதல்­வர் மு.க.ஸ்டா­லின் தெரி­வித்­துள்­ளார்.

நேற்று திரு­வள்­ளூர் மாவட்­டத்­தில் இத்­திட்­டத்தை தொடங்கி வைத்­துப் பேசிய அவர், ஒவ்­வொரு குழந்­தை­யும் கற்­றல் திறனை மேம்­ப­டுத்­திக்கொள்­ளும் வகை­யில் இந்­தப் புதிய திட்­டம் உரு­வாக்­கப் பட்­டுள்­ளது என்­றார்.

இத்­திட்­டத்­தின் கீழ் வரும் பாடங்­கள் அனைத்­தும் ஆடல், பாடல், கதை­யாக சொல்­லு­தல், நடித்துக் காட்­டு­தல், பொம்­ம­லாட்­டம், கைவினைப் பொருள்­கள் எனப் பல்­வேறு வடி­வங்­களில் பயிற்­று­விக்­கப்­படும் என்­றார் முதல்­வர் ஸ்டா­லின்.

"கல்வி மட்­டும்­தான் நம் வாழ்க்கைத் தரத்தை முன்­னேற்­றும். கல்வி உரிமை என்­பது நாம் போரா­டிப் பெற்­றது. எனவே, கல்­வி­யின் மீதான ஈடு­பாட்டை வளர்த்­துக் கொள்ள வேண்­டும்.

"படிக்­கா­மல் சாதித்த ஒரு­வரை யாரா­வது எடுத்­துக்­காட்­டாக காட்­டி­னால், அதற்கு இணை­யாக படித்து சாதித்த லட்­சம் பேரை நாம் காட்ட முடி­யும். படிக்­கா­மல் சாதிக்­க­லாம் என்று யாரா­வது சொன்­னால், அது தன்­னம்­பிக்கை ஊட்­டு­வது அல்ல. வெறும் ஆசை வார்த்­தை­கள்­தான். தவ­றான பாதையை கைகாட்­டும் சூழ்ச்சி அது," என்­றார் முதல்­வர் மு.க.ஸ்டா­லின்.

தமி­ழக அர­சின் 'இல்­லம் தேடி கல்வி' திட்­டத்­தின் ஒரு பகு­தி­யாக தொடர் வாசிப்பு இயக்­கம் கடந்த 1ஆம் தேதி முதல் 12ஆம் தேதி வரை நடத்­தப்­பட்­ட­தா­கக் குறிப்­பிட்ட அவர், கூகல் நிறு­வன செயலி மூலம் நடந்த இவ்­வி­யக்­கத்­தில் தமி­ழக அர­சுப் பள்ளி குழந்­தைகள் தமிழிலும் ஆங்­கி­லத்­தி­லும் 200 கோடி சொற்­களை வாசித்த­தா­கத் தெரி­வித்­தார்.

"14 லட்­சம் மாண­வர்­கள் பங்­கேற்ற இச்­சா­த­னை­யில் 81.04 லட்­சம் கதை­கள், 7.04 லட்­சம் மணி நேரத்­தில் வாசிக்­கப்­பட்­டுள்­ளன. உல­கி­லேயே 'ரீட் அலௌட்' செய­லி­யில் இது­வரை இவ்­வ­ளவு பெரிய சாதனை நிகழ்த்­தப்­பட்­ட­தில்லை," என்றார் முதல்­வர் மு.க.ஸ்டா­லின்.