அதி­முக உள்­கட்சி விவ­கா­ரத்தில் பாஜக தலை­யி­டாது: அமைச்சர்

சென்னை: ஒற்றைத் தலைமை என்ற முழக்கத்தால் அதிமுக தலைவர்கள் மத்தியில் ஐந்­தா­வது நாளாக நேற்­றும் பர­ப­ரப்பு தொடர்ந்­த நிலையில், "அக்கட்சியின் உள்கட்சி விவ­கா­ரத்­தில் பாஜக தலை­யிடாது," என மத்­திய இணை அமைச்­சர் எல் முரு­கன் திட்­ட­வட்­ட­மா­கத் தெரி­வித்­துள்­ளார்.

"அதி­மு­க­வின் பிரச்­சி­னை­களை பாஜக தங்­க­ளுக்கு சாதக­மா­கப் பார்க்­க­வில்லை," என்­றும் அவர் குறிப்பிட்டுள்ளார்.

ஒற்றைத் தலைமை கொண்டு வரப்பட்டால் இரட்டை இலைச் சின்னமே கேள்விக்குறியாகக் கூடும் என்றும் தமிழகம் முழுவதும் இருக்கும் அதிமுக தொண்டர் களிடையே இது பிளவை ஏற்படுத்த தூண்டுகோலாக அமைந்துவிடும் என்றும் அதிமுக ஒருங்கிணைப்பாளர் ஓ.பன்னீர்செல்வம் தரப்பினர் தெரிவித்து உள்ளனர்.

இந்நிலையில், ஒற்­றைத் தலைமை விவ­கா­ரம் குறித்து கருத்து கூறு­வது ஒன்­றும் குற்­ற­மல்ல என்­றும் திட்­ட­மிட்­ட­படி 23ஆம் தேதி அதி­முக பொதுக்­குழுக் கூட்­டம் நடை­பெ­றும் என்­றும் அதி­முக மூத்த தலை­வர் பொன்­னை­யன் தெரி­வித்­துள்­ளார்.

உண்­மை­யைப் பேசி­ய­தற்­காக திரு ஜெயக்­கு­மார் மீது நட­வ­டிக்கை எடுக்­கத் தேவை­யில்லை என்­றும் அவர் மேலும் கூறி­னார்.

இத­னிை­டயே, கோவை­யில் செய்­தி­யா­ளர்­க­ளைச் சந்­தித்த அதி­முக முன்­னாள் எம்­எல்ஏ ஆறு­குட்டி, அதி­மு­கவை சாதிக் கட்­சி­யாக்க முயற்சி நடந்து வருவதாக குற்­றம்­சாட்­டி­னார்.

அதிமுகவின் ஒருங்கிணைப் பாளரான திரு ஓபி­எஸ், இணை ஒருங்கிணைப்பாளரான திரு ஈபி­எஸ் ஆகிய இரு­வ­ருமே வில­கிக் கொண்டு புதி­தாக ஒரு­வரை பொதுச் செய­லா­ள­ராக நிய­மிக்­க­முன்வர வேண்­டும் என்­றும் ஆறு­குட்டி வலி­யு­றுத்­தியுள்ளார்.

ஓ பன்­னீர்­செல்­வத்தை கொங்கு இளை­ஞர் பேர­வைக் கட்­சி­யின் தலை­வர் திரு உ.தனி­ய­ரசு சந்­தித்து ஆேலாசித்­தார்.

அதன்­பின்­னர் செய்­தி­யா­ளர்­களி­டம் பேசி­ய­வர், அனை­வ­ரை­யும் அர­வ­ணைத்­துச் செல்­லக் கூடி­ய­வர் ஓபி­எஸ் என்­றும் ஆனால், எடப்­பாடி பழ­னி­சாமி திட்­ட­மிட்டு ஒற்­றைத் தலைமை என்ற சூழ்ச்­சியை ஏற்­படுத்­தி­யுள்­ள­தா­க­வும் குற்­றம்­சாட்­டி­னர்.

"அதி­முக தலை­மை­யாக எடப்­பாடி பழ­னி­சாமி உரு­வெ­டுப்­பது அக்­கட்­சிக்கு நல்­ல­தல்ல," என்­றும் அவர் விமர்­சித்­தார்.

முன்­ன­தாக பேசிய அதி­முக துணை ஒருங்­கி­ணைப்­பா­ளர் வைத்தி­லிங்­கம், "ஒற்­றைத் தலைமை தீர்­மா­னத்தை நிறை­வேற்­றி­னால் அதி­முக அழி­வுப்­பா­தையை நோக்­கிச் செல்­லும்," என எச்­ச­ரித்­தார்.

அதி­முக ஒருங்­கி­ணைப்­பா­ளர் ஓ.பன்­னீர்­செல்­வம் தனது ஆத­ர­வா­ளர்­க­ளு­டன் நேற்­றும் ஆலோ­சித்­தார்.

திரு­வண்­ணா­மலை, காஞ்­சி­பு­ரம், கள்­ளக்­கு­றிச்சி மாவட்­டங்­களில் எடப்­பாடி பழ­னி­சா­மிக்கு உற்­சாக வர­வேற்பு அளிக்கப்பட்டது.

திண்­டுக்­கல் சீனி­வா­சன், அன்­ப­ழ­கன், சி.வி. சண்­மு­கம், விஜ­ய­பாஸ்­கர், காம­ராஜ், தங்கமணி­யு­டன் ஈபி­எஸ் ஆலோசனை நடத்தி வரு வது தொடர்ந்து வருகிறது.