விரைவில் மாநில கல்விக் கொள்கை வெளியாகும்: அமைச்சர் பொன்முடி தகவல்

சென்னை: தமி­ழ­கத்­துக்­கான மாநில கல்­விக் கொள்கை வடிவமைப்­புப் பணி­கள் துரி­த­மாக முடிக்­கப்­பட்டு, விரை­வில் மாநில கல்­விக் கொள்கை வெளி­யி­டப்­படும் என்று மாநில உயர்­கல்­வித் துறை அமைச்­சர் க.பொன்­முடி தெரி­வித்­துள்­ளார்.

சென்­னை­யில் நடை­பெற்ற நிகழ்ச்சி ஒன்­றில் கலந்துகொண்டு பேசிய அவர், தமி­ழ­கத்­தில் அதிக அள­வில் உயர்­கல்வி நிறு­வ­னங்­கள் இருப்­ப­தற்கு திரா­விட வழி ஆட்­சி­தான் கார­ணம் என்­றார்.

"தமி­ழ­கத்­தில் தற்­போ­தைய காலத்­துக்­கேற்ப பாடத்­திட்­டங்­கள் மாற்­றப்­பட்டு வரு­கின்­றன. மேலும், மாண­வர்­களும் தங்­கள் துறை சார்ந்த பல்­வேறு படிப்­பு­களை கற்க வேண்­டி­யது அவ­சி­ய­மா­கும்.

"அதே­போல, மாண­வர்­க­ளுக்கு முறை­யான கல்வி வழங்க ஆசி­ரி­யர்­க­ளுக்­கும் பயிற்சி வழங்­கப்­பட வேண்­டும்," என்­றார் அமைச்­சர் பொன்­முடி.

புது­மைப் பெண் திட்­டம், 7.5% இட­ஒ­துக்­கீடு, பேருந்­து­களில் மகளிர்க்கு இல­வ­சப் பய­ணம் உள்­ளிட்ட பல்­வேறு திட்­டங்­கள் திமுக ஆட்­சி­யில் கொண்­டு­வ­ரப்­பட்­டுள்­ள­தா­க அவர் குறிப்­பிட்டார்.

மத்­திய அர­சின் தேசிய கல்­விக் கொள்­கையை தமி­ழ­கம் எதிர்ப்­பதா­கக் குறிப்­பிட்ட அமைச்­சர், 3, 5, 8ஆம் வகுப்­பு­க­ளுக்கு பொதுத்­தேர்வு, மும்­மொ­ழிக் கொள்கை உள்­ளிட்ட பல்­வேறு முர­ணான அம்­சங்­கள் அந்­தக் கல்­விக் கொள்கை­யில் இடம்­பெற்­றுள்­ளதா­கச் சுட்­டிக்­காட்­டி­னார்.

"தொடக்க வகுப்­பு­க­ளுக்கு பொதுத்­தேர்வு அமல்­ப­டுத்­தி­னால் இடை­நிற்­றல் அதி­க­ரிக்­கும். எனவே, மேல்­நிலை வகுப்­பு­க­ளுக்கு மட்­டும் பொதுத்­தேர்வு இருந்­தால் போது­மா­னது. மேலும், தமி­ழ­கத்­தில் இரு­மொ­ழிக் கொள்­கை­தான் அம­லில் இருக்­கும்.

"தேசிய கல்­விக் கொள்கை விவ­கா­ரத்­தில் மத்­திய கல்வி அமைச்­சி­டம் எழுத்­து­பூர்­வ­மான எதிர்ப்பு பதி­வு ­செய்ய­ப்பட்­டுள்ளது. மாநில கல்­விக் கொள்கை வடி­வமைப்­புப் பணி­கள் துரி­த­மாக முடிக்­கப்­பட்டு விரை­வில் வெளி­யி­டப்­படும்," என்­றார் அமைச்­சர் பொன்­முடி.