இந்திய அளவில் சுற்றுப்பயணிகள் வருகையில் முதலிடம் பிடித்த தமிழ்நாடு

புது­டெல்லி: தமி­ழ­கம், உள்­நாட்­டுச் சுற்­று­லாப் ­ப­ய­ணி­க­ளின் வருகையில் முத­லி­டத்­தை­யும் வெளி­நாட்­டுச் சுற்­று­லாப் ­ப­ய­ணி­க­ளின் வருகையில் இரண்­டாம் இடத்தையும் பிடித்­துள்­ள­தாக இவ்­வாண்­டுக்­கான புள்­ளி­வி­வ­ரங்­கள் சுட்­டிக்­காட்டி உள்­ளன.

உல­கச் சுற்­று­லாத் தினத்தை முன்­னிட்டு, தலை­ந­கர் டெல்­லி­யில் நேற்று முன்­தி­னம் நடை­பெற்ற நிகழ்வில், 'இந்­திய சுற்­று­லாப் பயணி ­க­ளின் புள்­ளி­வி­வ­ரம் 2022' என்ற அறிக்­கையை துணை அதி­பர் ஜக்­தீப் தன்­கர் வெளி­யிட்­டார்.

அதில், இவ்­வாண்­டுக்­கான உள்­நாட்­டுப் பய­ணி­க­ளின் எண்­ணிக்­கை­யில் 15 கோடி பேரை ஈர்த்து தமி­ழ­கம் முத­லி­டத்திலும் ஒன்­பது கோடி பய­ணி­க­ளு­டன் உத்­த­ரப்­ பி­ர­தே­சம் இரண்­டாம் இடத்திலும் உள்­ள­தா­கக் கூறப்­படுகிறது.

இதே­போல், அதிக அளவில் 12.6 லட்­சம் வெளி­நாட்­டுப் பய­ணி­களை ஈர்த்­துள்ள மஹாராஷ்டிரா முத­லி­டத்­தி­லும் 12.3 லட்­சம் மக்களை ஈர்த்துள்ள தமி­ழ­கம் இரண்­டாம் இடத்­தி­லும் இருப்­ப­தா­க­வும் குறிப்­பி­டப்­பட்­டுள்­ளது.

உத்­த­ரப் ­பி­ர­தே­சத்­தின் ஆக்ரா நக­ரில் அமைந்­துள்ள தாஜ்­ம­ஹாலை 2021-2022ல் 30 லட்­சம் உள்­நாட்­டுப் பய­ணி­களும் 38,000 வெளி­நாட்­டுப் பய­ணி­களும் ரசித்­துள்­ள­னர்.

அதே­சமயத்­தில், தமி­ழ­கத்­தின் மாமல்­ல­பு­ரத்தை 1.4 லட்­சம் வெளி­நாட்­டுப் பய­ணி­கள் கண்டு ரசித்­துள்­ள­னர். புதுடெல்­லி­யில் உள்ள செங்­கோட்டை, குதுப்­மி­னார் ஆகி­ய­வற்றையும் உள்­நாட்டுப் பயணிகள் அதிகம் ரசித்துள்ளனர். இந்தியாவில் 3,693 பாரம்­ப­ரிய இடங்­கள் தொல்­பொ­ருள் துறை­யால் பாது­காக்­கப்­­பட்டு வருவதாகவும் அதில் கூறப்­பட்­டுள்­ளது.