'ஆட்டோ தம்பி' என்ற பெயரில் நூலக ஆட்டோக்கள்; விரைவில் டாக்சியிலும் தொடக்கம் குற்றச்செயல்களைத் தடுக்க வீதிக்கு வீதி நூலகம் அறிமுகம்

கோவை: இளம் குற்­ற­வா­ளி­கள் உரு­வா­வ­தைத் தடுக்­கும் வகை­யில் கோவையில் 'வீதி­தோ­றும் நூல­கம்' என்ற புதிய திட்­டம் அறி­மு­கம் கண்­டுள்­ள­தாக இம்­மா­ந­கரக் காவல் ஆணையா் பால­கி­ருஷ்­ணன் தெரி­வித்­துள்­ளார்.

'ஆட்டோ தம்பி' என்ற பெய­ரில் ஆட்­டோக்­க­ளி­லும் நட­மா­டும் நூல­கத் திட்­டம் செயல்­ப­டுத்­தப்­பட்டு வரு­கிறது. இதற்கு பொது­மக்­கள் மத்­தி­யில் நல்ல வர­வேற்பு கிடைத்­துள்­ளது. இதே­போல் டாக்­சி­க­ளி­லும் இத்­திட்­டம் விரைவில் நடப்புக்கு கொண்டுவரப்­பட உள்­ள­தாக பால­கி­ருஷ்­ணன் மேலும் கூறி­யுள்­ளார்.

இது­கு­றித்து அவர் செய்தி யாளர்­க­ளி­டம் பேசியபோது, "குழந் தைகள் மாலை நேரத்­தில் ஆக்­க பூா்வமான செயல்­களில் ஈடு­ப­டு­வதை ஊக்­கு­விக்­க­வும் போதைப்­பொ­ருள், குற்­றச்­செ­யல்­கள் பக்­கம் சிறார்­கள், இளை­யர்­களைத் தலை­காட்­ட விடா­மல் தடுக்­க­வும் கோவை மாநகரில் வீதி­கள்­தோ­றும் நூல­கத் திட்­டத்தை முன்­னெ­டுத்­துள்­ளோம்.

"முக்­கி­ய­மாக குடி­சைப் ­ப­கு­தி­கள், அடுக்­கு­மாடி குடி­யி­ருப்­பு­கள் உள்ள தெரு­வி­லும் ஒரு நூல­கம் என்ற அடிப்­ப­டை­யில் முதல்­கட்­ட­மாக 30 நூல­கங்­கள் அமைக்­கப்­பட்­டுள்­ளன. இங்கு நூற்­றுக்­க­ணக்­கான புத்­த­கங்­கள் இருக்­கும்.

"இது மட்­டு­மன்றி தனியாா் கல்­லூ­ரி­கள் சாா்பிலும் 50 இடங்­களில் வீதி நூல­கங்­கள் அமைக்­கப்­பட உள்­ளன," என்று கூறிய காவல் ஆணையா் பால­கி­ருஷ்ணன், "கைப்பே­சி­யில் மூழ்கி­யி­ருக்கும் குழந்தைகளை மீட்டெடுக்க இந்த நூல­கங்­கள் உத­வும். மாணவர்களின் அறிவாற்றல், கற்பனைத்திறன் மேம் படுவதுடன், அவர்கள் தவறான பழக்கங்களை நாடாமல் இருப்ப தற்காகவும் இந்நூலகம் அமைக் கப்பட்டுள்ளது," என்று கூறியுள்ளார்.