ஓபிஎஸ் பண்ணை வீட்டில் கொள்ளையர்கள் கைவரிசை

சென்னை: பெரி­ய­கு­ளம் அருகே முன்­னாள் முதல்­வர் ஓ.பன்­னீர்­செல்­வத்­துக்­குச் சொந்­த­மான பண்ணை வீட்­டின் கதவை உடைத்து கொள்­ளை­யர்­கள் கைவ­ரிசை காட்­டி­யுள்­ள­னர்.

தேனி மாவட்­டம் பெரி­ய­கு­ளம் அருகே கைலா­சப்­பட்­டி­யில் ஓபி­எஸ்­ஸின் பண்ணை வீடு உள்­ளது. இந்த வீட்­டின் மதில் சுவர்மீது ஏறி குதித்து வெள்­ளிக்கிழமை இரவு கொள்­ளை­யர்­கள் உள்ளே நுழைந்­துள்­ள­னர்.

பின்­னர், வீட்­டின் கீழ் தளத்­தின் கதவை உடைக்க கொள்­ளை­யர்­கள் முயற்சி செய்­துள்­ள­னர். ஆனால், கதவை உடைக்க முடி­ய­வில்லை.

இத­னால் படிக்­கட்டு வழி­யாக கொள்­ளை­யர்­கள் மாடிக்குச் சென்று அங்கு இருந்த ஓர் அறை­யின் கதவை உடைத்து உள்ளே நுழைந்து பீரோவை கொள்­ளை­யர்­கள் உடைத்­துள்­ள­னர். அங்கு ஒன்­றும் இல்­லா­த­தால் தொலைக்­காட்சி பெட்டியை மட்­டும் எடுத்­துக் கொண்டு கொள்­ளை­யர்­கள் தப்­பிச் சென்­று­விட்­ட­னர். நேற்று காலை காவ­லாளி வீட்டுக்குச் சென்று பார்த்தபோது மாடி­யில் கதவு உடைக்­கப்­பட்­டி­ருந்­ததைக் கண்டு அதிர்ச்சி அடைந்­தார்.

உட­ன­டி­யாக தென்­கரை காவல் நிலை­யத்­திற்கு தக­வல் தெரி­விக்­கப்­பட்­டது. பெரி­ய­கு­ளம் காவல்­துறை துணை சூப்­பி­ரி­டென்­டண்ட கீதா, காவல் ஆய்­வா­ளர் ஜோதி­பாசு மற்­றும் காவ­லர்­கள் சம்­பவ இடத்­திற்­குச் சென்று விசா­ரணை நடத்­தி­னர். தேனி­யில் இருந்து மோப்ப நாய் லக்கி வர­வ­ழைக்­கப்­பட்­டது. மேலும் கைரேகை நிபுணர் களும் வந்து கைரே­கை­களை பதிவு செய்­த­னர். இது­ கு­றித்து தென்­கரை காவல்­துறை தொடர்ந்து விசா­ரணை மேற்­கொண்டு வரு­கிறது.

பெரி­ய­கு­ளத்­திற்கு வரும் ஓபி­எஸ், பண்ணை வீட்­டிற்­குச் சென்று ஓய்வு எடுப்­ப­தும், அங்கு அடிக்­கடி கட்சி ஆலோ­சனைக் கூட்­டங்­கள் நடத்­து­வ­தும் வழக்­கம்.