மாணவர் முரசு
இ-பேப்பர்
மதுரை: போலி மருத்துவர்கள் மீது கடும் நடவடிக்கை எடுக்கப்படும் என தமிழ்நாடு மருத்துவ மன்ற தலைவர் டாக்டர் க.செந்தில் எச்சரித்துள்ளார்.
மதுரையில் செய்தியாளர்களிடம் பேசிய அவர், மருத்துவ மன்றத்தில் பதிவு செய்யாமல் அலோபதி மருத்துவச் சிகிச்சை அளிக்கும் போலி மருத்துவர்கள் மீது சட்டப்படி நடவடிக்கை எடுக்க உரிய ஏற்பாடுகள் நடைபெற்று வருவதாகக் குறிப்பிட்டார்.
"போலி மருத்துவர்கள் ஒழிப்பு சட்டப்பிரிவினருடன் ஆலோசித்து வருகிறோம். பல போலி மருத்துவர்கள் ஊடகங்கள் வழியாக விளம்பரங்கள் செய்து தவறான சிகிச்சை அளித்து ஏமாற்றுகின்றனர். எனவே, மாவட்டந்தோறும் போலி மருத்துவர்கள் குறித்த புகார்களை விசாரிக்க கூடுதலாக அலுவலர்கள் நியமிக்கப்படுவர்.
"இந்த சட்டத்தின்படி குற்றம் நிரூபிக்கப்படுபவர்களுக்கு நீதிமன்றம் ஓராண்டு சிறைத் தண்டனை அல்லது ரூ.5 லட்சம் அபராதம் அல்லது இரண்டும் சேர்த்து தண்டனையாக வழங்க முடியும்.
"போலி மருத்துவர்களைக் கண்டறிவதில் பொதுமக்களும் எங்களுக்கு உதவிகரமாக இருக்க வேண்டும்," என்றார் மருத்துவர் செல்வம்.
கடந்த மாதம் உரிய பதிவு இன்றி எலும்பு நோய்க்கும் இதய நோய்க்கும் சிகிச்சை அளித்த இரண்டு போலி மருத்துவர்கள் மீது வழக்கு தொடுக்கப்பட்டுள்ளதாக அவர் மேலும் தெரிவித்தார்.
மேலும், பல்வேறு மாவட்டங்களில் போலி மருத்துவர்களின் எண்ணிக்கை அதிகரித்து வருவதாக ஊடகச் செய்திகள் தெரிவிக்கின்றன.